രാഹുൽ ഗാന്ധിയുടെ അറസ്റ്റ്; അങ്ങാടിപ്പുറം റെയിൽവേ സ്റ്റേഷനിലേക്ക് കോൺഗ്രസ് മാർച്ച്

പെരിന്തൽമണ്ണ: നീറ്റ് പ്രതിഷേധത്തിന് ഐക്യദാർഢ്യമർപ്പിച്ചിച്ചും കോൺഗ്രസ് ദേശീയനേതാക്കളെ അറസ്റ്റ് ചെയ്തതിൽ പ്രതിഷേധിച്ചും അങ്ങാടിപ്പുറം റെയിൽവേ സ്റ്റേഷനിലേക്ക് കോൺഗ്രസ് പ്രവർത്തകർ മാർച്ചും ധർണയും സംഘടിപ്പിച്ചു. ധർണ ജില്ലാ കോൺഗ്രസ് കമ്മിറ്റിയുടെ ജനറൽ സെക്രട്ടറി കെ.എസ്. അനീഷ് ഉദ്ഘാടനം ചെയ്തു. ചോലയിൽ കുഞ്ഞു മൊയ്തീൻ അദ്ധ്യക്ഷത വഹിച്ചു. പി ഷഹർബാൻ, വിപിൻ പുഴക്കൽ, ഫൈസൽ എം. വലമ്പൂർ, സാബു പനങ്ങാങ്ങര, ടി. മുരളീധരൻ, ബേബി വാത്താചിറ, സൈബുന്നിസ, അഷറഫ് തിരൂർക്കാട്, സെയ്തലവി മാമ്പള്ളി, ഷെറിഫുള്ള, നാണി വലമ്പൂർ, ഒടുവിൽ അഷറഫ്, പി.ടി.മാത്യു, കേശവദാസ്, മുഹമ്മദ് അമൽ തുടങ്ങിയവർ പ്രസംഗിച്ചു.