ഓണാഘോഷം 

ചിറ്റൂർ: കൊഴിഞ്ഞാമ്പാറ ഗവ. യു.പി സ്‌കൂളിൽ ഓണാഘോഷ പരിപാടി വിപുലമായി ആഘോഷിച്ചു. ചെണ്ടമേളത്തിന്റെ അകമ്പടിയോടെ മഹാബലിയും വാമനനും പുലിവേഷവും അടങ്ങുന്ന ഘോഷയാത്ര ശ്രദ്ധേയമായി. വാർഡ് മെമ്പർ വി.വിചിത്രൻ ഓണാഘോഷ പരിപാടികളുടെ ഉദ്ഘാടനം നിർവഹിച്ചു. പി.ടി.എ പ്രസിഡന്റ് പ്രേമദാസ് അദ്ധ്യക്ഷത വഹിച്ചു. സ്കൂൾ പ്രധാനാദ്ധ്യാപിക താമരൈ സെൽവി സ്വാഗതം പറഞ്ഞു. പൂക്കളം, ഓണസദ്യ, അദ്ധ്യാപകരുടെയും വിദ്യാർത്ഥികളുടെയും വൈവിധ്യമാർന്ന വിവിധ കലാപരിപാടികൾ എന്നിവയും ഉണ്ടായിരുന്നു.