സ്‌കോളർഷിപ്പ്

പത്തനംതിട്ട: ഷോപ്സ് ആൻഡ് കമേഴ്സ്യൽ എസ്റ്റാബ്ലിഷ്‌മെന്റ് തൊഴിലാളി ക്ഷേമനിധി പദ്ധതിയിലെ അംഗങ്ങളുടെ മക്കൾക്ക് സ്‌കോളർഷിപ്പിന് അപേക്ഷ ക്ഷണിച്ചു. 2025-26 അദ്ധ്യയന വർഷത്തിൽ പ്ലസ് വൺ മുതൽ പോസ്റ്റ് ഗ്രാജുവേറ്റ് കോഴ്സുകളിലും വിവിധ പ്രൊഫഷണൽ കോഴ്സുകളിലും പഠിക്കുന്ന വിദ്യാർത്ഥികൾക്ക് അപേക്ഷിക്കാം. മാർക്ക് പട്ടികകളുടെയും സർട്ടിഫിക്കറ്റുകളുടേയും സാക്ഷ്യപ്പെടുത്തിയ പകർപ്പ്, സ്ഥാപന മേധാവിയുടെ സാക്ഷ്യപത്രം, ക്ഷേമനിധി അംഗത്വ കാർഡ്, ആധാർ കാർഡ്, ബാങ്ക് പാസ്സ് ബുക്ക് സഹിതം ഒക്ടോബർ 30നകം www.peedika.kerala.gov.inലോ അക്ഷയസെന്റർ വഴിയോ അപേക്ഷ സമർപിക്കണമെന്ന് ജില്ല എക്സിക്യൂട്ടീവ് ഓഫീസർ അറിയിച്ചു. ഫോൺ : 0468 2223169.