എൻ.എസ്.എസ് ഓണക്കിറ്റ് വിതരണം

പുത്തൻചിറ: ഗവ. വി.എച്ച്.എസ് സ്‌കൂളിലെ എൻ.എസ്.എസ് യൂണിറ്റിന്റെ നേതൃത്വത്തിൽ സഹപാഠികൾക്ക് ഓണക്കിറ്റ് വിതരണം നടത്തി. സഹപാഠിക്കൊരു കൈത്താങ്ങ് പദ്ധതിയിൽ ഉൾപ്പെടുത്തി ഹൈസ്‌കൂൾ, ഹയർ സെക്കൻഡറി, വൊക്കേഷണൽ ഹയർ സെക്കൻഡറി വിഭാഗങ്ങളിലായി 17 വിദ്യാർത്ഥികൾക്കായി 16 സാധനങ്ങൾ അടങ്ങുന്ന കിറ്റ് വിതരണം ചെയ്തത്. ബിരിയാണി ചാലഞ്ച് നടത്തിയാണ് ഇതിനായി തുക കണ്ടെത്തിയത്. വി.എച്ച്.എസ് പ്രിൻസിപ്പൽ കെ.പി.മാർട്ടിൻ, എൻ.എസ്.എസ് പ്രോഗ്രാം ഓഫീസർ കെ.ജി.സിന്ധു, അദ്ധ്യാപകരായ എം.കെ.രാജേശ്വരി, ഷമീറ ഹാരിസ്, കെ.വി.സന്ധ്യ, കെ.എ.താഹിറ, അലീന, അശ്വതി, കെ.പി.സുരേഷ്, വോളണ്ടിയർമാരായ അബ്ദുൾ ബാസിത്, മിഥുൻ കുമാർ, ജോഷ്വ കെ.ജോസ്, ആദിൽ പ്രദീപ്, മുഹമ്മദ് ഫൈസാൻ എന്നിവർ നേതൃത്വം നൽകി.