SignIn
Kerala Kaumudi Online
Friday, 09 May 2025 8.53 AM IST

ആലപ്പുഴക്കാർക്ക് നഷ്‌ടപ്പെടും തിരുവനന്തപുരത്തിന് ലാഭവും, അധികം വൈകാതെ റെയിൽ വേയിൽ നിന്ന് പ്രഖ്യാപനം എത്തും

Increase Font Size Decrease Font Size Print Page
train

കൊച്ചി: ആലപ്പുഴ റെയിൽവേ സ്റ്റേഷനിൽ നിന്ന് സർവീസ് നടത്തുന്ന മൂന്ന് ട്രെയിനുകൾ വൈകാതെ തിരുവനന്തപുരത്തേക്കോ കൊച്ചുവേളിയിലേക്കോ നീട്ടും. ആലപ്പുഴ-ചെന്നൈ സൂപ്പർഫാസ്റ്റ് (22639/22640), ആലപ്പുഴ-കണ്ണൂർ എക്‌സിക്യുട്ടീവ് എക്‌സ്‌പ്രസ് (16307/16308), ആലപ്പുഴ-ധൻബാദ് എക്‌സ്‌പ്രസ് (13351/13352) എന്നീ ട്രെയിനുകളാണ് തിരുവനന്തപുരത്തേക്ക് നീട്ടുന്നത്. ഇതിൽ ആലപ്പുഴ -ധൻബാദ് എക്‌സ്‌പ്രസ് കൊച്ചുവേളിയിലേക്ക് നീട്ടാനാണ് സാദ്ധ്യത. ഇതുസംബന്ധിച്ച നിർദ്ദേശം ദക്ഷിണ റെയിൽവേയുടെ പരിഗണനയിലാണ്.

തീരുമാനം നടപ്പായാൽ ആലപ്പുഴയിൽ നിന്ന് പുറപ്പെടുന്നതും ആലപ്പുഴയിൽ സർവീസ് അവസാനിപ്പിക്കുന്നതുമായ എക്‌സ്‌പ്രസ്/സൂപ്പർഫാസ്റ്റ് ട്രെയിനുകൾ ഇല്ലാതാകും. നിലവിൽ എക്‌സ്‌പ്രസ് സ്‌പെഷ്യലായി ഓടുന്ന പാസഞ്ചർ ട്രെയിനുകൾ മാത്രമാകും പിന്നീട് ആലപ്പുഴക്കാർക്ക് സ്വന്തമായുണ്ടാവുക.

നിലവിൽ ഉച്ചയ്ക്ക് രണ്ടരയോടെ ആലപ്പുഴയിലെത്തുന്ന നേത്രാവതി എക്‌സ്‌പ്രസ് കഴിഞ്ഞാൽ തിരുവനന്തപുരത്തേക്ക് അടുത്ത ട്രെയിൻ ഈ വഴിയുള്ളത് വൈകിട്ട് അഞ്ചോടെ എത്തുന്ന ഏറനാട് എക്‌സ്‌പ്രസാണ്. രാത്രി എട്ടിന് ആലപ്പുഴയിൽ എത്തുന്ന എറണാകുളം- കൊല്ലം മെമു കഴിഞ്ഞാൽ ഈ റൂട്ടിലെ അടുത്ത ട്രെയിൻ പുലർച്ചെ രണ്ടിനുള്ള ഗുരുവായൂർ -ചെന്നൈ എഗ്മൂർ എക്‌സ്‌പ്രസാണ്.

ഇത്തരത്തിൽ ആലപ്പുഴ വഴി തിരുവനന്തപുരത്തേക്കും തിരിച്ചും ട്രെയിനുകൾ തമ്മിൽ ദീർഘമായ ഇടവേളയുണ്ട്. ട്രെയിനുകൾ തിരുവനന്തപുരത്തേക്ക് നീട്ടിയാൽ യാത്രക്കാർ നേരിടുന്ന ഈ ദുരിതം ഒഴിവാക്കാനാകുമെന്ന് പാസഞ്ചേഴ്‌സ് അസോസിയേഷനുകളും ചൂണ്ടിക്കാട്ടുന്നു.

അതേസമയം, നിലവിൽ എറണാകുളത്ത് സർവീസ് അവസാനിപ്പിക്കുന്ന ടാറ്റാനഗർ-എറണാകുളം (18189), കണ്ണൂർ-എറണാകുളം ഇന്റർസിറ്റി അടക്കമുള്ള ചില ട്രെയിനുകൾ ആലപ്പുഴയിലേക്ക് നീട്ടുന്നതും പരിഗണിക്കുന്നുണ്ടെന്നാണ് സൂചനകൾ.

TAGS: INDIAN RAILWAY, ALAPPUZHA, TRIVANDRUM, TRAIN EXTENSION
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.