കാർത്തി ചിത്രം വിരുമൻ ആഗസ്റ്റ് 31ന്

കാർത്തിയെ നായകനാക്കി 2ഡി എന്റർടെയ്ൻമെൻ്റിന്റെ ബാനറിൽ സൂര്യയും ജ്യോതികയും നിർമ്മിക്കുന്ന ' വിരുമൻ ' ആഗസ്റ്റ് 31ന് തിയേറ്രറിൽ. സംവിധായകൻ ഷങ്കറിന്റെ ഇളയപുത്രി പുതുമുഖം അതിദി ഷങ്കറാണ് നായിക.പരുത്തി വീരൻ എന്ന അരങ്ങേറ്റ ചിത്രത്തിലൂടെ തമിഴ് സിനിമയിൽ വേരോട്ടം നടത്തിയ കാർത്തിക്ക് ഗ്രാമീണ വേഷത്തിൽ മറ്റൊരു വഴിത്തിരിവായിരുന്നു മുത്തയ്യ സംവിധാനം ചെയ്ത കൊമ്പൻ . ഈ ചിത്രത്തിന്റെ വിജയത്തിനുശേഷം കാർത്തിയും മുത്തയ്യയും ഒന്നിക്കുന്ന ചിത്രമാണ് ' വിരുമൻ'. രാജ്കിരൺ, പ്രകാശ് രാജ്, സൂരി എന്നിവരാണ് മറ്റു താരങ്ങൾ. ഗ്രാമീണ പശ്ചത്തലത്തിലുള്ള ആക്ഷൻ എന്റർടൈനറായ വിരുമന്റെ ഛായാഗ്രഹണം എസ്. കെ. ശെൽവകുമാർ നിർവഹിക്കുന്നു. യുവൻ ഷങ്കർരാജയാണ് സംഗീത സംവിധാനം.