ഒളിച്ചുകളിക്കുന്നവരും വെളിച്ചം വിതറുന്നവരും

ദേശീയ പ്രസ്ഥാ​ന​ത്തിന്റെ ആദർശങ്ങളും ഭര​ണ​ഘ​ടനാ മൂല്യ​ങ്ങളും കനത്ത വെല്ലു​വിളി നേരി​ടു​ന്ന ഇന്ത്യൻ രാഷ്ട്രീയം ഒരു വഴി​ത്തി​രി​വി​ലാ​ണ്. മത​നി​ര​പേ​ക്ഷത രാജ്യ​ത്തിന്റെ അനി​വാ​ര്യ ഘട​ക​മാ​യിരിക്കെ,​ മതാ​ധി​ഷ്ഠിത രാഷ്ട്ര​ത്തി​ലേ​ക്കുള്ള കാൽവ​യ്പുക​ളാണ് സംഘ​പ​രി​വാർ ശക്തി​ക​ളുടെ നേതൃ​ത്വ​ത്തിൽ കേന്ദ്ര ഭര​ണാ​ധി​കാ​രി​കൾ നടത്തി​ക്കൊണ്ടിരിക്കുന്നത്. രാജ്യം നേരി​ടുന്ന ഈ വിപത്ത് മുൻകൂട്ടി കാണു​വാനും,​ ആശ​യതല​ത്തിലും തിര​ഞ്ഞെ​ടു​പ്പു​ക​ളിലും നിയ​മ​വേ​ദി​ക​ളിലും മത​നി​ര​പേ​ക്ഷത നേരി​ടുന്ന വെല്ലു​വി​ളി​കളെ ചെറു​ത്തു​നിൽക്കുവാനും ഇട​തുപക്ഷം എപ്പോഴും മുൻനി​ര​യിൽത്തന്നെയുണ്ട്.

ജനാധിപത്യവിരുദ്ധ നയ​ങ്ങൾ തുറന്നുകാട്ടു​ന്ന​തിലും, അതി​നെതിരെ ജനങ്ങളെ അണിനിരത്തി പ്രതി​രോ​ധി​ക്കു​ന്ന​തിലും സുപ്ര​ധാന പങ്കു വഹി​ച്ചിട്ടുള്ളത് ഇട​തു​പ​ക്ഷ​മാ​ണ്. ഈ പ്രതി​രോ​ധം മൂലമാണ് ജന​ങ്ങൾ കേന്ദ്ര സർക്കാ​രി​നെ​തി​രായി ചിന്തി​ക്കു​ന്ന​തി​ന് ഇ​ട​യാ​യത്. വസ്തുത ഇതാ​യി​രിക്കെ, സംഘ​പ​രി​വാ​റിനെ പ്രതി​രോ​ധി​ക്കാൻ തങ്ങൾക്കു മാത്രമേ കഴിയൂ എന്നാണ് കോൺഗ്രസ് അവ​കാ​ശ​പ്പെ​ടു​ന്ന​ത്. സത്യമാകട്ടെ,​ മറ്റൊന്നാണ്. രാജ​സ്ഥാൻ, ഹരി​യാ​ന, പഞ്ചാ​ബ്, ഉത്തർപ്ര​ദേശ്, മഹാ​രാഷ്ട്ര സംസ്ഥാ​ന​ങ്ങ​ളിൽ കേന്ദ്ര നയ​ങ്ങൾക്കെ​തിരെ ഉയർന്ന കർഷകരോഷം കഴിഞ്ഞ ലോക്‌​സ​
ഭാ​ തിര​ഞ്ഞെ​ടു​പ്പിലും പിന്നീടു നടന്ന നിയ​മ​സഭാ തിര​ഞ്ഞെ​ടു​പ്പുകളിലും ചെറു​ത​ല്ലാത്ത രീതി​യിൽ ബി.ജെ.പിക്കെതിരെ പ്രതി​ഫ​ലിച്ചു.

എന്നിട്ടും അവി​ട​ങ്ങ​ളിൽ ബി.ജെ.പിയെ അധി​കാ​ര​ത്തിലെത്തിച്ചത് കോൺഗ്ര​സിന്റെ നയം തന്നെ​യാ​ണ്. ഇല്ലാത്ത ശക്തി ഉണ്ടെന്നു കാട്ടി,​ മത​നി​ര​പേക്ഷ വോട്ടു​ക​ളുടെ ഏകീ​ക​ര​ണത്തെ കോൺഗ്രസ് തട​ഞ്ഞു. അങ്ങനെ ബി.ജെ.പിയെ തോൽപ്പി​ക്കു​ന്ന​തി​നുള്ള ജനാ​ഭി​ലാ​ഷത്തെ തകർക്കുന്ന റോളാണ് കോൺഗ്രസ് ഏറ്റെ​ടു​ത്ത​ത്. ബി.ജെ.പിക്ക് ജയ​മുണ്ടാക്കിക്കൊടുക്കുന്ന പ്രധാന ഘട​ക​മാ​യത് മത​നി​ര​പേക്ഷ വോട്ടു​കൾ ഭിന്നി​പ്പിച്ച കോൺഗ്ര​സിന്റെ ശിഥി​ലീ​ക​രണ തന്ത്ര​മാ​ണ്.

കോൺഗ്രസിന്റെ

തിരനാടകം

രാജ്യതല​സ്ഥാ​നത്ത് മേധാ​വിത്വമുറ​പ്പി​ക്കാൻ ബി.ജെ.പിക്ക് അവ​സ​ര​മുണ്ടാക്കിയത് കോൺഗ്ര​സാണെന്നു വ്യക്തം. ആം ആദ്മി പാർട്ടി​യു​മായി എന്തെല്ലാം അഭി​പ്രാ​യ​വ്യ​ത്യാ​സ​ങ്ങൾ ഉണ്ടാ​യിരുന്നാലും അവ പരി​ഹ​രി​ക്കാനും,​ ഒരുമിച്ചു നിന്ന് ബി.ജെ.പിയുടെ തോൽവി ഉറ​പ്പു​വ​രു​ത്താ​നു​മാ​യിരുന്നു കോൺഗ്രസ് ശ്രമി​ക്കേണ്ടി​യി​രു​ന്ന​ത്. കുറച്ചു മാസം മുമ്പ് ഹരി​യാ​ന​യിലും പ്രാദേ​ശിക കക്ഷി​ക​ളോട് ഇതേ സമീ​പ​ന​മാണ് കോൺഗ്രസ് സ്വീക​രി​ച്ച​ത്. അപ്പോൾ, ബി.ജെ.പിയെ തോൽപ്പി​ക്കു​ന്ന​ത​ല്ല, അവ​രുടെ ജയം ഉറ​പ്പാ​ക്കി​ക്കൊ​ടു​ക്കു​ന്ന​താണ് തങ്ങളുടെ പണിയെന്ന് കോൺഗ്രസ് തന്നെ ആവർത്തിച്ച് വ്യ​ക്ത​മാ​ക്കുന്നു!

ഇന്ന് രാജ്യം നേരി​ടുന്ന എറ്റവും വലിയ വെല്ലു​വിളികൾ സംഘ​പ​രി​വാർ ശക്തി​കൾ ഉയർത്തുന്ന വർഗീ​യ​വാ​ദവും അവർ പിന്തു​ട​രുന്ന കോർപ്പ​റേറ്റ് പ്രീണന നയ​ങ്ങളും ഫെഡ​റൽ വിരുദ്ധ നയ​ങ്ങ​ളു​മാ​ണ്. ഇവ​യ്‌ക്കെല്ലാം എതിരെ നടക്കുന്ന പോരാട്ടങ്ങളിൽ നിന്ന് മാറി​നിൽക്കു​കയും,​ ചില​പ്പോൾ ഒളി​ച്ചോ​ടുകയും ചെയ്യുന്ന കോൺഗ്ര​സ് സമീ​പനമാണ് ദേശീയ തല​ത്തിൽ ബി.ജെ.പിക്ക് ബദൽ ഉയർത്തു​ന്ന​തിനുള്ള ഏറ്റവും വലിയ തട​സം. ഉത്ത​രേ​ന്ത്യ​യിൽ ഇനി വരാ​നി​രി​ക്കുന്ന തിര​ഞ്ഞെ​ടു​പ്പു​ക​ളിൽ ബി.ജെ.പിക്കെതിരെ ശക്ത​മായ ഐക്യ​നിര കെട്ടി​പ്പ​ടുക്കാൻ അവി​ടത്തെ വലിയ പ്രാദേ​ശിക പാർട്ടികളായ സമാജ്‌വാദിക്കും ആർ.ജെ.ഡി​ക്കു​മാണ് സാധി​ക്കു​ക. ഇന്നത്തെ ദേശീയ രാഷ്ട്രീയ സാഹ​ച​ര്യ​ത്തിൽ ബി.ജെ.പിയെ തോൽപ്പി​ക്കാൻ കോൺഗ്രസ് അവർക്കൊപ്പം ചേർന്ന് പ്രവർത്തി​ക്കു​ക​യാണ് വേണ്ടത്.

ദേശീയ തല​ത്തിൽ ശക്തി​യാർജ്ജി​ച്ചി​ട്ടുള്ള സംഘ​പ​രി​വാർ ശക്തി​കൾ കേര​ള​ത്തിൽ മേധാ​വിത്വമുറ​പ്പി​ക്കാൻ നിര​ന്തരം ശ്ര​മി​ക്കു​ക​യാ​ണ്. ഇതിന് കോൺഗ്രസ്സ് ഇപ്പോൾ ഒരു പുതിയ സഹായം കൂടി ചെയ്തു​കൊ​ടു​ക്കു​ക​യാ​ണ്. സംഘ​പ​രി​വാർ കൈക്കൊ​ള്ളുന്ന അതേ വർഗീയതയുടെ മറ്റൊരു പകർപ്പ് നയ​മായി സ്വീക​രിച്ച എസ്.ഡി.പി.ഐ, ജമാഅത്തെ ഇസ്ലാമി എന്നി​വ​യു​മായി സഖ്യ​മുണ്ടാ​ക്കുന്നതാണ് ഇപ്പോൾ കോൺഗ്രസിന്റെയും യു.ഡി.എഫിന്റെയും നയം. ഇതാ​ക​ട്ടെ, ബി.ജെ.പിയുമായുള്ള ആന്ത​രിക ബന്ധം നിലനിറുത്തി​ക്കൊണ്ടാണ് എ​ന്ന​താണ് ഏറെ വിചിത്രം!

ഇടതുവിരുദ്ധ

അജണ്ട!

ഒരു കാര്യ​ത്തിൽ മാത്രം കോൺഗ്ര​സിന് വ്യക്ത​ത​യുണ്ട്- അത് കേര​ള​ത്തിൽ ഇട​തു​പക്ഷ പ്രസ്ഥാ​ന​ങ്ങളെ ദുർബ​ല​പ്പെ​ടു​ത്ത​ണ​മെന്ന കാര്യ​ത്തി​ലാ​ണ്! കേര​ള​ത്തിലെ സ്റ്റാർട്ടപ്പ് ഇക്കോസിസ്റ്റം മിക​ച്ച​താ​ണെന്ന ഒരു ആഗോ​ള​തല റിപ്പോർട്ടിലെ കണ്ടെത്ത​ൽ ഉദ്ധരി​ച്ചു​കൊണ്ട് സ്വന്തം സംസ്ഥാ​നത്തിന്റെ നേട്ട​ത്തിൽ അഭി​മാനംകൊണ്ട കോൺഗ്രസ് നേതാ​വിനെ തള്ളി​പ്പ​റ​യാൻ സംസ്ഥാ​നത്തെ കോൺഗ്രസ് നേതാ​ക്കൾ കാട്ടിയ മത്സ​ര​ബുദ്ധി അവരുടെ രാഷ്ട്രീയ പാപ്പ​ര​ത്ത​ത്തെ​യാണ് വെളി​വാ​ക്കു​ന്ന​ത്. യു.ഡി.എഫ് ഭര​ണ​കാ​ലത്ത് നട​പ്പാക്കാതെയിരുന്ന വിക​സന പദ്ധ​തി​കൾ ഒന്നൊ​ന്നായി ഇച്ഛാ​ശ​ക്തി​യു​ടെയും നിശ്ച​യ​ദാർഢ്യ​ത്തി​ന്റെയും അടി​സ്ഥാ​നത്തിൽ ഇടതു സർക്കാർ നട​പ്പാ​ക്കു​മ്പോൾ എന്തു വിലകൊടുത്തും അവയെ തട​യുക എന്ന നില​പാ​ടാണ് കോൺഗസ് സ്വീകരിക്കുന്നത്.

നവകേരളം;

പുതുവഴി

കേര​ളത്തെ വിജ്ഞാന സമ്പ​ദ്ഘ​ട​നയും നൂത​നസമൂ​ഹ​വു​മാക്കി മാറ്റുന്നതിലൂടെ ഒരു നവ​കേ​രളം യാഥാർത്ഥ്യ​മാ​ക്കുക എന്നതാണ് ഇട​തു മുന്നണി സർക്കാ​രിന്റെ ലക്ഷ്യം. 2016- നു ശേഷം കേര​ളീയ സമൂ​ഹ​ത്തിന്റെ മനോ​ഭാ​വ​ത്തിൽ വലിയൊരു മാറ്റം വന്നി​ട്ടുണ്ട്. ഒരു വിക​സന പദ്ധ​തിയും ഇവിടെ നട​പ്പാ​കി​ല്ലെന്ന ധാരണ മാറു​കയും,​ യു.ഡി.എഫ് കാലത്ത് ഉപേ​ക്ഷി​ക്ക​പ്പെട്ട ദേശീ​യ​പാതാ വിക​സനം ഉൾപ്പെടെ യാഥാർത്ഥ്യ​മാ​വുകയും ചെയ്യുന്നതാണ് ഇന്ന് കാണുന്ന​ത്. ഗെയിൽ പൈപ്പ്‌ലൈൻ, പവർഹൈ​വേ തുടങ്ങി നിര​വധി നേട്ട​ങ്ങൾ 2016-നു ശേഷം കൈവ​രി​ക്കാൻ സാധി​ച്ചി​ട്ടുണ്ട്.

വിഴിഞ്ഞം തുറ​മു​ഖ​ത്തിന്റെ പുരോ​ഗതി എടു​ത്തു​പ​റ​യേണ്ടതുണ്ട്. 2045 എന്ന സമ​യ​പ​രി​ധിക്കു മുമ്പേ 2028- ൽത്തന്നെ പദ്ധതി പൂർണ​മായും പ്രവർത്ത​ന​ക്ഷ​മ​മാ​ക്കുക​യാ​ണ്. ഇത് സംസ്ഥാന വിക​സ​ന​ത്തിൽ ഒരു നാഴി​ക​ക്ക​ല്ലാ​യിരിക്കും. വ്യവ​സായസൗഹൃദ അന്ത​രീക്ഷം സൃഷ്ടി​ക്കു​ന്ന​തിൽ കേരളം ഏറെ മുന്നോ​ട്ടു​പോ​യി​രിക്കുന്നു. ഈസ് ഒഫ് ഡൂയിംഗ് ബിസി​ന​സിന്റെ കാര്യ​ത്തിൽ കേരളം ഒന്നാം സ്ഥാനത്തെത്തിയത് പകൽപോലെ തെളി​ഞ്ഞു​നിൽക്കു​ന്നു. കൊച്ചി​യിൽ നടന്ന നിക്ഷേപ സംഗ​മ​ത്തിൽ കേര​ള​ത്തിൽ നിക്ഷേപം നടത്താൻ പ്രമുഖ നിക്ഷേ​പ​കർ ആവേ​ശവും ഉത്സാ​ഹവും കാണി​ച്ചത് നാം ക​ണ്ടതാ​ണ്. ആ നിക്ഷേപ സംഗ​മ​ത്തിൽ 1,52,905 കോടി രൂപയുടെ നിക്ഷേ​പ​ങ്ങൾക്കായി 370-ലധികം ധാരണാ​പത്രങ്ങൾ ഒപ്പി​ട്ടി​ട്ടു. അവ യാഥാർത്ഥ്യ​മാ​ക്കാൻ സർക്കാർ തുടർന​ട​പ​ടി​കൾ സ്വീക​രി​ച്ചു​വ​രി​ക​യാ​ണ്.

ഉന്ന​ത​വി​ദ്യാ​ഭ്യാസം, ഐ.ടി എന്നീ മേഖലകളി​ലെല്ലാം നാം മികച്ച രീതി​യിൽ മുന്നോ​ട്ടു ​പോ​വു​ക​യാ​ണ്. നമ്മുടെ യൂണി​വേ​ഴ്‌സി​റ്റി​കളും കോളേ​ജു​കളും ദേശീയ റാങ്കിംഗുകളിൽ മുൻപ​ന്തിയിൽ വരുന്നു. 2016-ൽ ഇടതു മുന്നണി സർക്കാ​ർ അധി​കാ​ര​ത്തിൽ വരു​മ്പോൾ സംസ്ഥാ​ത്തെ മൂന്ന് ഐ. ടി പാർക്കു​ക​ളിലെ 676 കമ്പ​നി​കളിലായി 84,720 ജീവ​നക്കാ​രാണ് ഉണ്ടായി​രു​ന്ന​ത്. 2023-24 ൽ ഇത് 1,153 കമ്പ​നി​കളും 1,47,200 ജീവ​ന​ക്കാ​രു​മായി വളർന്നു. സ്റ്റാർട്ട​പ്പു​ക​ളുടെ കാര്യ​ത്തിൽ വലിയ കുതി​ച്ചു​ചാ​ട്ട​മാണ് കേരളം നട​ത്തി​യി​രി​ക്കു​ന്ന​ത്. 6,200 സ്റ്റാർട്ട​പ്പു​ക​ളിലൂടെ സൃഷ്ടിക്കപ്പെട്ടത് 62,000 തൊഴിലവ​സ​ര​ങ്ങളാണ്!

വികസനവും

കരുതലും

പശ്ചാ​ത്ത​ല സൗ​ക​ര്യ​ വി​ക​സ​ന​ത്തി​നൊപ്പം സാമൂ​ഹ്യ ​സു​ര​ക്ഷയ്ക്കും മുൻഗ​ണന നൽകുന്ന സംസ്ഥാ​ന​മാണ് കേര​ളം. കേന്ദ്ര സർക്കാർ ഏർപ്പെ​ടു​ത്തിയ സാമ്പ​ത്തിക നിയ​ന്ത്ര​ണ​ങ്ങൾ കാരണം സാമൂ​ഹ്യ ​സു​രക്ഷാ പെൻഷൻ
ഇന​ത്തിൽ കുടി​ശ്ശിക വന്നു​ എ​ന്നത് യാഥാർത്ഥ്യ​മാ​ണ്. എന്നാൽ,​ ഇക്കാര്യം തുറ​ന്നു​പ​റ​യു​കയും സാമൂ​ഹ്യ​സുരക്ഷാ പെൻഷൻ കൃത്യ​മായി വിത​രണം ചെയ്യാൻ സംവി​ധാനം ഒരു​ക്കു​കയും ചെയ്തിട്ടുണ്ട്. സർ​ക്കാർ ജീവ​ന​ക്കാർക്ക് പ്രതി​വർഷം രണ്ട് ഗഡു ഡി.എ നൽകുമെന്നും,​ പെൻഷൻകാരുടെ ശമ്പ​ള​പ​രി​ഷ്‌ക​രണ കുടി​ശ്ശിക നൽകു​മെന്നുമുള്ള
വാഗ്ദാ​നവും നട​പ്പാ​വു​ക​യാ​ണ്.

2016-21 കാല​യ​ള​വിൽ പി.എസ്.സി വഴി 1,77,674 നിയ​മ​ന​ങ്ങൾ നട​ത്തി​. 2022-25 കാല​യ​ള​വിൽ ഇതു​വരെ 96,275 നിയ​മ​ന​ങ്ങൾ നട​ത്തി​യി​ട്ടു​ണ്ട്. സർക്കാർ സേവ​ന​ങ്ങൾ ലളിത​മായ പ്രക്രി​യ​യി​ലൂടെ ജന​ങ്ങൾക്ക് സമ​യ​ബ​ന്ധി​ത​മായി ലഭ്യ​മാക്കാൻ ചട്ട​ങ്ങ​ൾ ലഘൂ​ക​രിക്കു​കയും ഓൺലൈൻ സേവ​ന​ങ്ങൾ ഏർപ്പെ​ടു​ത്തുകയും ചെയ്തു. വിക​സന പദ്ധ​തി​കൾ ഒന്നൊ​ന്നായി പൂർത്തീ​ക​രിക്കുന്നതിലും സാമൂ​ഹ്യ​ക്ഷേമം ഉറ​പ്പാ​ക്കുന്നതിലും പ്രതി​ജ്ഞാ​ബ​ദ്ധ​മായി മുന്നോ​ട്ടു​പോ​വു​ക​യാ​ണ് ഈ സർക്കാർ. ഈ വിക​സന മാതൃക തക​രാതെ മുന്നോ​ട്ടു കൊ​ണ്ടു​പോ​കാനും കൂടു​തൽ നേട്ടങ്ങൾ ആർജ്ജി​ക്കാനുമുള്ള പ്രവർത്ത​ന​ങ്ങ​ളാണ് സർക്കാർ നട​ക്കിക്കൊണ്ടി​രി​ക്കു​ന്നത്. ഇടതു സർക്കാ​രിന്റെ പ്രവർത്ത​ന​ങ്ങൾ തുടർന്നു​കൊ​ണ്ടുപോ​കാ​നുള്ള അവ​സരം വീണ്ടും ലഭി​ക്കുമെന്നും ഞങ്ങൾക്ക് വിശ്വാ​സ​മുണ്ട്.