സമ്പന്ന കുമാരന് റിമാൻഡിലും ഹുങ്ക്, 3 ജീവനെടുത്ത സുഹൈൽ ദുർഗുണ പരി​ഹാര പാഠശാലയി​ൽ

കൊച്ചി: മദ്യപിച്ച് ലക്കുകെട്ട് അമിതവേഗത്തിൽ ആഡംബര കാറോടിച്ച് നെടുമ്പാശേരിയിൽ മൂന്നു പേരുടെ ജീവനെടുത്ത സുഹൈൽ സജീവി​ന് (19) റി​മാൻഡി​ലായി​ട്ടും കൂസലി​ല്ല.അപകടസ്ഥലത്ത് നാട്ടുകാരോടും പൊലീസി​നോടും ധാർഷ്ട്യത്തോടെ പെരുമാറി​യി​രുന്നു.

ഞായറാഴ്ച രാത്രി മജിസ്‌ട്രേട്ട് റിമാൻഡ് ചെയ്ത സുഹൈലിനെ ഇന്നലെ പുലർച്ചെയാണ് 21 വയസിൽ താഴെയുള്ള കുറ്റവാളികളെ പാർപ്പിക്കുന്ന ബോസ്റ്റൽ സ്‌കൂളിൽ എത്തിച്ചത്. കാക്കനാട് ജില്ലാജയിലിനോട് ചേർന്നുള്ള ദുർഗുണ പരി​ഹാര പാഠശാലയാണിത്. കാറി​ലുണ്ടായി​രുന്ന സുഹൃത്ത് നിനവും ഇവി​ടെ റിമാൻഡിലാണ്. ചോദ്യം ചെയ്യലി​നായി​ പൊലീസ് കസ്റ്റഡി​യി​ൽ വാങ്ങും.

ഡ്രൈവിംഗ് ലൈസൻസ് റദ്ദാക്കാൻ മോട്ടോർ വാഹന വകുപ്പ് നടപടി തുടങ്ങി. 23 വയസ് തി​കയാത്ത ഇവർക്ക് മദ്യം നൽകി​യതി​ന് വൈറ്റി​ല, പാലാരി​വട്ടം, നെടുമ്പാശേരി എന്നിവിടങ്ങളിലെ ബാർ ഹോട്ടലുകൾക്കെതി​രെ എക്സൈസ് കേസെടുത്തു. രണ്ടെണ്ണം ഫൈവ് സ്റ്റാർ ഹോട്ടലുകളാണ്. ബാർ ലൈസൻസ് റദ്ദാക്കാൻ എക്സൈസ് കമ്മി​ഷണർക്ക് എറണാകുളം ഡെപ്യൂട്ടി​ കമ്മി​ഷണർ റി​പ്പോർട്ട് നൽകി​.

അപകടസമയത്തെ വേഗത നി​ർണയി​ക്കാൻ മിനി കൂപ്പറിന്റെ സോഫ്റ്റ്‌വെയർ കമ്പനി​ ടെക്നീഷ്യൻ എത്തി​ പരി​ശോധി​ച്ചു. മോട്ടോർ വാഹനവകുപ്പ് ഉദ്യോഗസ്ഥരുടെ സാന്നി​ദ്ധ്യത്തി​ൽ വീണ്ടും പരി​ശോധന നടത്തും. 120 കിലോമീറ്റർ വേഗത്തിലാണ് കാറോടിച്ചതെന്ന് സുഹൈൽ സമ്മതിച്ചിരുന്നു.

കൊ​ല​ക്കു​റ്റം​ ചു​മ​ത്ത​ണം: ദേവി​കയുടെ കുടുംബം
ക​ൽ​പ്പ​റ്റ​:​ ​സു​ഹൈ​ൽ​ ​സ​ജീ​വി​നെ​തി​രെ​ ​കൊ​ല​ക്കു​റ്റം​ ​ചു​മ​ത്ത​മെ​ന്ന് ​മ​രി​ച്ച​ ​ദേ​വി​ക​യു​ടെ​ ​കു​ടും​ബം​ ​ആ​വ​ശ്യ​പ്പെ​ട്ടു.​ ​ആ​ഭ്യ​ന്ത​ര​മ​ന്ത്രി​ക്കും​ ​ജി​ല്ലാ​പൊ​ലീ​സ് ​മേ​ധാ​വി​ക്കും​ ​പ​രാ​തി​ ​ന​ൽ​കി.​ ​ആ​വ​ശ്യം​ ​സ​ർ​ക്കാ​ർ​ ​അം​ഗീ​ക​രി​ച്ചി​ല്ലെ​ങ്കി​ൽ​ ​നാ​ട്ടു​കാ​രു​ടെ​ ​നേ​തൃ​ത്വ​ത്തി​ൽ​ ​ജ​ന​കീ​യ​ ​സ​മി​തി​ ​രൂ​പീ​ക​രി​ച്ച് ​പ്ര​ക്ഷോ​ഭം​ ​ന​ട​ത്താ​നാ​ണ് ​തീ​രു​മാ​നം.
'​'​ഇ​നി​ ​അ​മ്മ​യും​ ​അ​ച്ഛ​നും​ ​ക​ഷ്ട​പ്പെ​ടേ​ണ്ടി​ ​വ​രി​ല്ലെ​ന്ന് ​അ​വ​ൾ​ ​പ​റ​യു​മാ​യി​രു​ന്നു.​ ​ന​ല്ലൊ​രു​ ​ജോ​ലി​ ​കി​ട്ടു​മ​ല്ലോ.​ ​അ​പ്പോ​ൾ​ ​അ​പ്പു​വി​നെ​ ​(​അ​നു​ജ​ൻ​ ​ദേ​വ​ന​ന്ദ്)​ ​പ​ഠി​പ്പി​ച്ചു​കൊ​ള്ളാം​ ​എ​ന്നൊ​ക്കെ​പ്പ​റ​ഞ്ഞ​താ​ണ്.​ ​അ​വ​ൾ​ ​പോ​യി​ല്ലേ.​ ​ഇ​നി​ ​ഞ​ങ്ങ​ൾ​ക്ക് ​ആ​രാ​ണു​ള്ള​ത്?​"​"​ ​-​ദേ​വി​ക​യു​ടെ​ ​അ​മ്മ​ ​വി​തു​മ്പ​ലോ​ടെ​ ​പ​റ​ഞ്ഞു.

രണ്ടു പേർ കൂടി അറസ്റ്റിൽ
അപകടസമയത്ത് കാറിലുണ്ടായിരുന്ന ആലപ്പുഴ സ്വദേശി​കളായ ജോയൽ എസ്. ആന്റോ (19), അമീൻ ഷാ (19) എന്നിവരും അറസ്റ്റി​ലായി​. ഇവരെയും ബോസ്റ്റൽ സ്കൂളി​ലേക്ക് റി​മാൻഡ് ചെയ്തു. ഇവർ മറ്റൊരു കാറിൽ രക്ഷപ്പെടുകയായിരുന്നു. കൂട്ടു പ്രതി​യായ നി​നവി​ന്റെ സുഹൃത്തുക്കളാണ് ഇരുവരും. മദ്യപിച്ച് അമിതവേഗതയിൽ വാഹനമോടിക്കുന്നത് തടയാത്തതിന് പ്രേരണക്കുറ്റം ചുമത്തി.