സമ്പന്നകുമാരന് കടുത്ത ശിക്ഷ ഉറപ്പാക്കും

തിരുവനന്തപുരം: നെടുമ്പാശേരിയിൽ മദ്യപിച്ച് വാഹനമോടിച്ച് മൂന്ന് ജീവനെടുത്ത കേസിൽ പ്രതികൾക്ക് പരമാവധി ശിക്ഷ വാങ്ങിനൽകുമെന്ന് ആഭ്യന്തര മന്ത്രി രമേശ് ചെന്നിത്തല നിയമസഭയിൽ പറഞ്ഞു.

മദ്യപിച്ച് വാഹനമോടിക്കുന്നത് അവസാനിപ്പിക്കും. 18- 21വയസുകാരെ ജയിലിന് പകരം ബോസ്റ്റൽ സ്കൂളിലയയ്ക്കുന്ന നിലവിലെ നിയമം മാറ്റുന്നതും ആലോചിക്കും. കേസിൽ സ്പെഷ്യൽ പ്രോസിക്യൂട്ടറെ നിയമിക്കും. 10 വർഷംവരെ ശിക്ഷകിട്ടാവുന്ന വകുപ്പുകളാണ് ചുമത്തിയത്.

പൊലീസിന് വീഴ്ചയുണ്ടായിട്ടില്ല. മരിച്ചവരുടെ സഹപ്രവർത്തകൻ പ്രിയാദിന്റെ മൊഴിപ്രകാരമാണ് എഫ്.ഐ.ആർ രജിസ്റ്റർ ചെയ്തത്. കാറോടിച്ചയാളുടെ പേരും വിലാസവും പ്രിയാദിന് അറിയാത്തതിനാൽ ആദ്യം പ്രതിയുടെ പേരുൾപ്പെടുത്താനായില്ല. പിന്നീട് കൂട്ടിച്ചേർത്ത് കോടതിയിൽ റിപ്പോർട്ട് നൽകി. മെഡിക്കൽ പരിശോധനാ ഫലം ലഭിച്ചതോടെ മോട്ടോർവാഹന നിയമത്തിലേതടക്കം വകുപ്പുകളും കൂട്ടിച്ചേർത്തു.

കുറ്റകരമായ നരഹത്യയ്ക്കാണ് കേസ്. കാറിലുണ്ടായിരുന്ന മറ്റ് മൂന്നുപേർ ഒന്നാംപ്രതി സുഹൈലിന് പ്രേരണ നൽകിയെന്ന് മനസിലാക്കി അവർക്കെതിരെയും കേസെടുത്തു. സുഹൈലിന്റെ ലൈസൻസ് റദ്ദാക്കാൻ മോട്ടോർവാഹനവകുപ്പിന് കത്ത് നൽകി. അന്വേഷണം ആലുവ ഡിവൈ.എസ്.പി. ബൈജു പൗലോസിന് കൈമാറി. മരിച്ചവരുടെ കുടുംബങ്ങളുടെ പരാതികൾ പരിശോധിച്ച് നടപടി ഉറപ്പാക്കാൻ ദക്ഷിണമേഖലാ ഐ.ജി. നിശാന്തിനിയെ ചുമതലപ്പെടുത്തി.

പ്രതിയെ മാറ്റാൻ

ശ്രമിച്ചു: പിണറായി

നാട്ടുകാർ പ്രതിയെ കൈയോടെ പൊലീസിലേൽപ്പിച്ചിട്ടും എഫ്.ഐ.ആർ രജിസ്റ്റർ ചെയ്തതിലും അറസ്റ്റ് രേഖപ്പെടുത്തിയതിലും കാലതാമസമുണ്ടായെന്ന് പ്രതിപക്ഷ നേതാവ് പിണറായി വിജയൻ സബ്മിഷനിൽ ചൂണ്ടിക്കാട്ടി. കൃത്യസമയത്ത് വൈദ്യ പരിശോധന നടത്തിയില്ല. പ്രതിയെ മാറ്റാനുള്ള ശ്രമം ഉണ്ടായെന്ന് സംശയിക്കണമെന്നും പിണറായി പറഞ്ഞു.

അപകടമല്ല,​ കൊലപാതകമായി കണക്കാക്കണമെന്ന് അൻവർസാദത്ത് പറഞ്ഞു. സുഹൈലിന്റെ ലൈസൻസ് ആജീവനാന്തം റദ്ദാക്കണമെന്നും ആവശ്യപ്പെട്ടു.

വർഗ്ഗീയ പ്രചാരണത്തെ

അപലപിച്ച് നിയമസഭ

അപകടത്തിനുശേഷമുണ്ടായ വർഗ്ഗീയ പ്രചാരണങ്ങളെ നിയമസഭ അപലപിക്കുന്നതായി സ്പീക്കർ തിരുവഞ്ചൂർ രാധാകൃഷ്ണൻ പറഞ്ഞു. ചിലർ അങ്ങേയറ്റം വൃത്തികെട്ട പ്രതികരണം നടത്തിയത് പിണറായി വിജയൻ ചൂണ്ടിക്കാട്ടി. എന്തിനെയും വർഗീയാടിസ്ഥാനത്തിലാക്കുന്നത് ഒരു കാരണവശാലും പ്രോത്സാഹിപ്പിക്കാനാവില്ലെന്ന് സ്പീക്ക‌ർ പറഞ്ഞു. വർഗീയ പ്രചാരണങ്ങൾ മനുഷ്യത്വരഹിതമാണെന്ന് ആഭ്യന്തരമന്ത്രി രമേശ് ചെന്നിത്തലയും പറഞ്ഞു.

പ്ര​തി​ക്കു​വേ​ണ്ടി​ ​ഇ​ട​പെ​ട്ടി​ട്ടി​ല്ല​:​ ​മ​ന്ത്രി​ ​ലി​ജു

ന്യൂ​ഡ​ൽ​ഹി​:​ ​നെ​ടു​മ്പാ​ശേ​രി​ ​വാ​ഹ​നാ​പ​ക​ട​ക്കേ​സി​ലെ​ ​പ്ര​തി​ക്കു​വേ​ണ്ടി​ ​ഇ​ട​പെ​ട്ടി​ട്ടി​ല്ലെ​ന്നും​ ​മൂ​ന്ന് ​ജീ​വ​നു​ക​ൾ​ ​ക​വ​ർ​ന്ന​ ​പ്ര​തി​ക്ക് ​നി​യ​മ​പ്ര​കാ​ര​മു​ള്ള​ ​പ​ര​മാ​വ​ധി​ ​ശി​ക്ഷ​ ​ല​ഭി​ക്ക​ണ​മെ​ന്നാ​ണ് ​നി​ല​പാ​ടെ​ന്നും​ ​എ​ക്‌​സൈ​സ് ​മ​ന്ത്രി​ ​എം.​ ​ലി​ജു.​ ​ത​നി​ക്കെ​തി​രെ​ ​ഡി.​വൈ.​എ​ഫ്‌.​ഐ​ ​ഉ​യ​ർ​ത്തി​യ​ ​ആ​രോ​പ​ണ​ങ്ങ​ൾ​ ​പൂ​ർ​ണ​മാ​യും​ ​അ​സ​ത്യ​മാ​ണ്.​ ​തെ​റ്റാ​യ​ ​വി​വ​ര​ങ്ങ​ൾ​ ​പ്ര​ച​രി​പ്പി​ക്കു​ന്ന​വ​രെ​ ​അ​തി​ൽ​ ​നി​ന്ന് ​ഡി.​വൈ.​എ​ഫ്.​ഐ​ ​സം​സ്ഥാ​ന​ ​നേ​തൃ​ത്വ​വും​ ​സി.​പി.​എ​മ്മും​ ​പി​ന്തി​രി​പ്പി​ക്ക​ണ​മെ​ന്നും​ ​മ​ന്ത്രി​ ​ഡ​ൽ​ഹി​യി​ൽ​ ​മാ​ദ്ധ്യ​മ​പ്ര​വ​ർ​ത്ത​ക​രോ​ട് ​പ​റ​ഞ്ഞു.

പ്ര​തി​ഷേ​ധ​ക്കാ​ർ​ക്ക്ജ​ല​പീ​ര​ങ്കി

നെ​ടു​മ്പാ​ശേ​രി​:​ ​നെ​ടു​മ്പാ​ശേ​രി​ ​വാ​ഹ​നാ​പ​ക​ട​ക്കേ​സി​ലെ​ ​പ്ര​തി​യെ​ ​സം​ര​ക്ഷി​ക്കാ​ൻ​ ​പൊ​ലീ​സ് ​ശ്ര​മി​ക്കു​ക​യാ​ണെ​ന്നാ​രോ​പി​ച്ച് ​പ്ര​തി​പ​ക്ഷ​ ​സം​ഘ​ട​ന​ക​ൾ​ ​പ്ര​തി​ഷേ​ധം​ ​ശ​ക്ത​മാ​ക്കി.
ക​ഴി​ഞ്ഞ​ ​ദി​വ​സം​ ​ഡി.​വൈ.​എ​ഫ്.​ഐ​ ​പൊ​ലീ​സ് ​സ്റ്റേ​ഷ​ൻ​ ​മാ​ർ​ച്ച് ​ന​ട​ത്തി​യ​തി​ന് ​പി​ന്നാ​ലെ​ ​ഇ​ന്ന​ലെ​ ​സി.​പി.​എം​ ​ആ​ലു​വ,​ ​അ​ങ്ക​മാ​ലി​ ​ഏ​രി​യാ​ ​ക​മ്മി​റ്റി​ക​ളു​ടെ​ ​നേ​തൃ​ത്വ​ത്തി​ലും​ ​പൊ​ലീ​സ് ​സ്റ്റേ​ഷ​ൻ​ ​മാ​ർ​ച്ച് ​സം​ഘ​ടി​പ്പി​ച്ചു.​ ​ര​ണ്ടു​വ​ട്ടം​ ​പൊ​ലീ​സ് ​സ​മ​ര​ക്കാ​ർ​ക്ക് ​നേ​രെ​ ​ജ​ല​പീ​ര​ങ്കി​ ​പ്ര​യോ​ഗി​ച്ചു.
വൈ​കി​ട്ട് ​എ.​ഐ.​വൈ.​എ​ഫ് ​നി​യോ​ജ​ക​ ​മ​ണ്ഡ​ലം​ ​ക​മ്മി​റ്റി​യും​ ​പൊ​ലീ​സ് ​സ്റ്റേ​ഷ​ൻ​ ​മാ​ർ​ച്ച് ​ന​ട​ത്തി.