നെയ്യാറ്റിൻകര സർക്കാർ ആശുപത്രിയിൽ ഡോക്ടറെ കാണാൻ ക്യൂ നിന്ന രോഗി കുഴഞ്ഞുവീണു മരിച്ചു

തിരുവനന്തപുരം : നെയ്യാറ്റിൻകര ജില്ലാ ജനറൽ ആശുപത്രിയിൽ ഡോക്ടറെ കാണാൻ ക്യൂ നിന്നയാൾ കുഴഞ്ഞു വീണു മരിച്ചു. നെയ്യാറ്റിൻകര കൂട്ടപ്പന സ്വദേശി രാജേഷ് കുമാർ (52)​ ആണ് മരിച്ചത്. കഠിനമായ നെഞ്ചുവേദന എടുക്കുന്നു എന്ന് പറ‌ഞ്ഞിട്ടും ഡോക്ടറെ കാണാൻ അനുവദിച്ചില്ലെന്നും ക്യൂവിൽ പിടിച്ചു നിറു ത്തുകയായിരുന്നുവെന്നും ബന്ധുക്കളും നാട്ടുകാരും ആരോപിച്ചു. ഇതിന് പിന്നാലെ ആശുപത്രിയിൽ നാട്ടുകാരും പൊതുപ്രവർത്തകും പ്രതിഷേധവുമായി രംഗത്തെത്തി. ആശുപത്രിയിൽ സംഘർഷാവസ്ഥ തുടരുകയാണ്.