27 കിലോ മീറ്റർ മൈലേജുള്ള 7 സീറ്റർ,​ വില എട്ട് ലക്ഷം മുതൽ; ഇന്ത്യൻ കുടുംബങ്ങൾ ആഗ്രഹിക്കുന്ന വാഹനം

ഇന്ത്യൻ വാഹന വിപണിയിലെ 7-സീറ്റർ എംപിവി വിഭാഗത്തിൽ തങ്ങളുടെ ആധിപത്യം തുടരാൻ പുതിയ മാറ്റങ്ങളുമായി മാരുതി സുസുക്കി എർട്ടിഗ 2026 എത്തിക്കഴിഞ്ഞു. കൂടുതൽ പ്രീമിയം ലുക്കും ആധുനിക ഫീച്ചറുകളും ഉൾപ്പെടുത്തിയ പുതിയ മോഡൽ ഇതിനോടകം തന്നെ വാഹനപ്രേമികളുടെ ശ്രദ്ധ നേടിക്കഴിഞ്ഞു.

പുതിയ എർട്ടിഗയുടെ മുൻഭാഗത്ത് വമ്പിച്ച മാറ്റങ്ങളാണ് വരുത്തിയിരിക്കുന്നത്. ക്രോം ഫിനിഷോടു കൂടിയ പുത്തൻ ഗ്രില്ല്, എൽഇഡി ഡിആർഎല്ലുകളോട് കൂടിയ പ്രൊജക്ടർ ഹെഡ്‌ലാമ്പുകൾ, സ്‌പോർട്ടി ബമ്പർ എന്നിവ വാഹനത്തിന് കൂടുതൽ ആകർഷകമായ ലുക്ക് നൽകുന്നു. വശങ്ങളിൽ പുതിയ ഡിസൈനിലുള്ള അലോയ് വീലുകളും പിൻഭാഗത്ത് പുതുക്കിപ്പണിത ടെയിൽ ലാമ്പുകളും ഷാർപ്പ് ലൈനുകളും വാഹനത്തെ കൂടുതൽ ആധുനികമാക്കുന്നു.

1.5 ലിറ്റർ, 4-സിലിണ്ടർ കെ-സീരീസ് പെട്രോൾ എഞ്ചിനാണ് പുതിയ എർട്ടിഗയിലും കരുത്തേകുന്നത്. ഇത് ഏകദേശം 103 ബിഎച്ച്പി കരുത്തും 137 എൻഎം ടോർക്കും ഉത്പാദിപ്പിക്കുന്നു. സ്മാർട്ട് ഹൈബ്രിഡ് സാങ്കേതികവിദ്യയുടെ സഹായത്തോടെ മികച്ച മൈലേജാണ് കമ്പനി വാഗ്ദാനം ചെയ്യുന്നത്.

പെട്രോൾ: ലിറ്ററിന് 20.51 കിലോമീറ്റർ വരെ.

സിഎൻജി: കിലോയ്ക്ക് 26.11 കിലോമീറ്റർ വരെ.

ഇന്റീരിയറും ഫീച്ചറുകളും
ഡ്യുവൽ ടോൺ ഫിനിഷിലുള്ള ക്യാബിൻ കൂടുതൽ പ്രീമിയം അനുഭവം നൽകുന്നു. 7-ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ആൻഡ്രോയിഡ് ഓട്ടോ, ആപ്പിൾ കാർപ്ലേ, ഓട്ടോമാറ്റിക് ക്ലൈമറ്റ് കൺട്രോൾ എന്നിവ പ്രധാന ഫീച്ചറുകളാണ്. പിൻസീറ്റുകളിലെ യാത്രക്കാർക്കായി സെന്റർ കൺസോളിന് പിന്നിലായി പുതിയ എസി വെന്റുകൾ ക്രമീകരിച്ചിട്ടുണ്ട് എന്നത് യാത്ര കൂടുതൽ സുഖകരമാക്കുന്നു.

6 എയർബാഗുകൾ (ടോപ്പ് വേരിയന്റുകളിൽ),​ എബിഎസ്, ഇബിഡി ,​ ഇലക്ട്രോണിക് സ്റ്റെബിലിറ്റി പ്രോഗ്രാം. ഹിൽ ഹോൾഡ് അസിസ്റ്റ് എന്നിവയും വാഹനത്തിന്റെ പ്രത്യേകതയാണ്.

വിലയും മത്സരവും
ഏകദേശം 8.80 ലക്ഷം രൂപ മുതൽ 13 ലക്ഷം രൂപ വരെയാണ് (എക്സ്-ഷോറൂം) പുതിയ എർട്ടിഗയുടെ വില പ്രതീക്ഷിക്കുന്നത്. വിപണിയിൽ ടൊയോട്ട റൂമിയോൺ, കിയ കാരെൻസ്, റെനോ ട്രൈബർ തുടങ്ങിയ മോഡലുകളുമായാണ് എർട്ടിഗ മത്സരിക്കുന്നത്.