പ്രവാസി സംഘം കൺവെൻഷൻ

മണ്ണഞ്ചേരി: കേരള പ്രവാസി സംഘം മാരാരിക്കുളം ഏരിയ കൺവെൻഷൻ നടന്നു. ജില്ലാ പ്രസിഡന്റ് ഹാഷിം അരിപ്പുറത്ത് സമ്മേളനം ഉദ്ഘാടനം ചെയ്തു. കെ.എ കബീർ അദ്ധ്യക്ഷനായി. വർദ്ധിപ്പിച്ച പാസ് പോർട്ട് നിരക്ക് പിൻവലിക്കണമെന്നും പെൻഷൻ കുടിശിക പുന:സ്ഥാപിക്കണമെന്നും ഹാഷിം അരിപ്പുറത്ത് ആവശ്യപ്പെട്ടു. ചടങ്ങിൽ ജില്ലാ പഞ്ചായത്തംഗം അഡ്വ.ആർ റിയാസ് പ്രവാസികളെ ആദരിച്ചു. ടി.വി മധുസൂദനൻ, ബി ഉദയഭാനു എന്നിവർ പ്രസംഗിച്ചു. ടി.എം സമദ് സ്വാഗതവും, ശാന്തമ്മ മോഹൻ നന്ദിയും പറഞ്ഞു.