കഞ്ഞിക്കുഴിയിൽ കൊയ്ത്തുതുടങ്ങി

മുഹമ്മ: കഞ്ഞിക്കുഴിയിൽ വാർഷിക പദ്ധതിയിൽ നടപ്പാക്കിയ നെൽകൃഷിവിളവെടുത്ത്തുടങ്ങി.

പതിനഞ്ചാം വാർഡിലെ നൂറ്റുപാറ പാടശേഖരത്തിലെ ബാലചന്ദ്രൻ ചുള്ളിവെളിയുടെ കൃഷിയിടത്തിലെ ഉമ ഇനത്തിലെ നെല്ലാണ് വിളവെടുത്തത്

വിളവെടുപ്പ് ഉദ്ഘാടനം പഞ്ചായത്ത് പ്രസിഡന്റ് അഡ്വ. എം.സന്തോഷ് കുമാർ നിർവ്വഹിച്ചു

കൃഷി ഓഫീസർ റോസ്മി ജോർജ് , കർമ്മസേന കൺവീനർ ജി. ഉദയപ്പൻ ,അയൽക്കൂട്ടം കൺവീനർ സരളപ്പൻ , കർഷകൻ ബാലചന്ദ്രൻ എന്നിവർ പങ്കെടുത്തു.

പഞ്ചായത്ത് സൗജന്യമായാണ് വിത്ത് നൽകിയത്. കൂലിച്ചിലവ് സബ്സിഡിയും നൽകുന്നുണ്ട്.