മാതൃവന്ദനം പദ്ധതി

കൊച്ചി: ജില്ലാ പഞ്ചായത്തും ജില്ലാ ആയുർവേദ ആശുപത്രിയും സംയുക്തമായി സംഘടിപ്പിച്ച ഗർഭിണി പരിചരണവും പ്രസവാനന്തര ചികിത്സയും നവജാത ശിശു പരിചരണവും ഉൾപ്പെടുന്ന മാതൃവന്ദനം പദ്ധതി ടി.ജെ. വിനോദ് എം.എൽ.എ ഉദ്ഘാടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എം.ജെ. ജോമി മുഖ്യാതിഥിയായി. ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ അദ്ധ്യക്ഷനായി. പ്രസവരക്ഷാ മരുന്നുകൾ ഡോ. അഞ്ജു ഏറ്റുവാങ്ങി. പ്രസവാനന്തര പരിചരണത്തെക്കുറിച്ചുള്ള വിവരങ്ങൾ അടങ്ങിയ പുസ്തകം ജില്ലാ പഞ്ചായത്ത് വൈസ് പ്രസിഡന്റ് എൽസി ജോർജ് പ്രകാശനം ചെയ്തു. വിവരങ്ങൾക്ക്: 04842365933, 9447266183