സ്ഥാപക ദിനാഘോഷം

കൊച്ചി: നാളികേര വികസന ബോർഡ് 45-ാം സ്ഥാപക ദിനാഘോഷവും കേര കർഷക സെമിനാറും ജനുവരി 12ന് ബോർഡ് ആസ്ഥാനത്ത് ടി. ജെ. വിനോദ് എം.എൽ.എ. ഉദ്ഘാടനം ചെയ്യും. 200 ഓളം കർഷകർ പങ്കെടുക്കുന്ന സെമിനാറിൽ ശാസ്ത്രീയ തെങ്ങ് കൃഷി രീതികൾ, രോഗ കീട നിയന്ത്രണ മാർഗങ്ങൾ, നാളികേര സംസ്‌കരണവും മൂല്യവർദ്ധനവും, മാർക്കറ്റിംഗും നാളികേര ഉത്പ്പന്നങ്ങളുടെ കയറ്റുമതി, കേര സുരക്ഷ ഇൻഷ്വറൻസ് പദ്ധതി എന്നീ വിഷയങ്ങളിൽ വിദഗ്ദ്ധർ ക്ലാസെടുക്കും. നാളികേര കൃഷിയും വ്യവസായവും ശാക്തീകരിക്കുന്നതിനും വികസിപ്പിക്കുന്നതിനുമായി നാളികേര വികസന ബോർഡ് നടപ്പിലാക്കുന്ന വിവിധ പദ്ധതികളെ കുറിച്ച് അവബോധം സൃഷ്ടിക്കാനാണ് സെമിനാർ സംഘടിപ്പിക്കുന്നത്.