കിൻഫ്ര കൺവെൻഷൻ സെന്റർ ഉദ്ഘാടനം 18ന്

18ന് വൈകിട്ട് 3.30ന് മന്ത്രി പി. രാജീവ് ഉദ്ഘാടനം ചെയ്യും

കൊച്ചി: കേരള ഇൻഡസ്ട്രിയൽ ഇൻഫ്രാസ്‌ട്രെക്ചർ ഡെവലപ്‌മെന്റ് കോർപ്പറേഷൻ (കിൻഫ്ര) കാക്കനാട് നിർമ്മിച്ച ഇന്റർനാഷണൽ എക്‌സിബിഷൻ കം കൺവെൻഷൻ സെന്റർ 18ന് വൈകിട്ട് 3.30ന് മന്ത്രി പി.രാജീവ് ഉദ്ഘാടനം ചെയ്യും. എക്‌സിബിഷൻ സെന്റർ കഴി​ഞ്ഞ വർഷം തുറന്നതാണ്. വ്യവസായികൾക്കും മറ്റും ഉത്പന്നങ്ങളും സേവന സൗകര്യങ്ങളും പ്രദർശിപ്പിക്കാനും പുതിയ വിപണികൾ കണ്ടെത്താനുമുള്ള സൗകര്യം ഇവിടെയുണ്ട്. എക്‌സിബിഷന് അനുബന്ധമായി കൺവെൻഷൻ സെന്ററിലെ സൗകര്യങ്ങൾ ഉപയോഗപ്പെടുത്താനാകും. വിശാലമായ കാർ പാർക്കിംഗും ഓപ്പൺ സ്റ്റേജും ഇവി​ടെയുണ്ട്.

ഇൻഫോ പാർക്ക് എക്‌സ്പ്രസ് വേയിലേക്ക് നേരിട്ടു പ്രവേശനം സാദ്ധ്യമാകും വിധത്തിലാണ് സെന്റർ രൂപകല്പന. സീപോർട്ട് – എയർപോർട്ട് റോഡിൽനിന്ന് 2കിലോമീറ്ററാണ് ദൂരം.

'' സെന്റർ സംസ്ഥാനത്തെ വ്യാവസായിക, കാർഷിക മേഖലകളിലെ യൂണിറ്റുകൾക്ക് പ്രദർശനത്തിനുള്ള സൗകര്യം ഒരുക്കുന്നതിലൂടെ ദേശീയതലത്തിലും ആഗോള തലത്തിലും പുതിയ വിപണികൾ കണ്ടെത്താനും പുതിയ അവസരങ്ങൾ സൃഷ്ടിക്കാനും വഴിയൊരുക്കും.

പി. രാജീവ്

മന്ത്രി

 കൺവെൻഷൻ സെന്റർ

മൂന്ന് നിലകളിലായി 51,715 ചതുരശ്രഅടി വിസ്തീർണത്തിൽ കൺവെൻഷൻ സെന്റർ.

640 പേർക്ക് ഇരിക്കാവുന്ന എയർകണ്ടിഷൻഡ് ഹാളും 100 പേർക്ക് ഇരിക്കാവുന്ന മിനി ഹാളും.

ഡൈനിംഗ് ഹാൾ, അടുക്കള, വി.ഐ.പി അതിഥി മുറി, വി.ഐ.പി ലോഞ്ച്, ബോർഡ് റൂം എന്നിവ.

 എക്‌സിബിഷൻ സെന്റർ

വിസ്തീർണം 55000 ചതുരശ്ര അടി.

4500ചതുരശ്ര അടിയുള്ള ആറു ഘടകയൂണിറ്റുകൾ ഒരു യൂണിറ്റിൽ 2530 സ്റ്റാളുകൾ സജ്ജമാക്കാനാകും.

ജ്വല്ലറി, പ്രെഷ്യസ് സ്റ്റോൺസ്, ഉയർന്ന് മൂല്യമുള്ള മറ്റ് ഇനങ്ങൾ എന്നിവയ്ക്കായി പ്രത്യേകം സജ്ജീകരണമുള്ള 24 സ്റ്റാളുകൾ വേറെയും

ചെലവ്: 90 കോടിരൂപ