ഗാനമൊരുക്കി മലയാളികൾ

പറവൂർ: ഇന്ത്യൻ നാവികസേനയുടെ സിവിലിയൻ ഗാനം ചിട്ടപ്പെടുത്തി മലയാളികളായ ടി.ആർ. ശ്രീകാന്തും ടി.ആർ. ഋതുൽ മോഹനും. ഋതുൽ മോഹനും ശ്രീകാന്തും കണ്ണൂർ ഏഴിമല നാവിക അക്കാദമിയിലെ സയൻറിഫിക് ഉദ്യാഗസ്ഥരാണ്. ഗാനം ഇന്ന് 11.30 ന് ഡൽഹി ഡി.ആർ.ഡി.ഒ ഭവനിൽ നടക്കുന്ന ചടങ്ങിൽ കേന്ദ്ര മന്ത്രി രാജ്‌നാഥ് സിംഗ് റിലീസ് ചെയ്യും. സിവിലിയൻ വർഷാചരണം - 2024ന്റെ ഭാഗമായി 'ജീജാൻ ലഗൻ സേ" എന്ന ഹിന്ദി ഗാനമാണ് ശ്രീകാന്ത് രചിച്ചത്. സംഗീത സംവിധാനം ഋതുൽ മോഹനാണ്. ഇന്ത്യൻ നാവികസേനയുടെ ചരിത്രത്തിൽ ആദ്യമായാണ് സിവിലിയൻ ഉദ്യോഗസ്ഥർക്കായി ഒരുഗാനം പുറത്തിറക്കുന്നത്.