സ്ഥലമുടമകൾ പര്യത്തുകാവ് സന്ദർശിച്ചു

കിഴക്കമ്പലം: വർഷങ്ങളായി തർക്കത്തിലിരിക്കുന്ന മലയിടംതുരുത്ത് പര്യത്തുകാവ് പ്രദേശം സ്ഥലമുടമകളായ കണ്ണോത്ത് ശങ്കരൻ നായരുടെ പേരക്കുട്ടികൾ സന്ദർശിച്ചു. കഴിഞ്ഞ ചൊവ്വാഴ്ച നടന്ന ചർച്ചയുടെ ഭാഗമായി 30 സെന്റ് സ്ഥലം ഉന്നതി നിവാസികൾക്ക് വിട്ടുകൊടുക്കുന്നതുമായി ബന്ധപ്പെട്ട് സർക്കാർ നിർദ്ദേശം വച്ചിരുന്നു. റോഡിനോട് ചേർന്നാണ് തർക്കസ്ഥലം. ഈ ഭാഗം വിട്ടുകൊടുക്കാൻ തയ്യാറല്ലെന്ന നിലപാടിലാണ് സ്ഥലമുടമകൾ. പിൻവശത്ത് 30 സെന്റ് സ്ഥലം നൽകാമെന്നാണ് അവരുടെ നിലപാട്. എന്നാൽ ഇതിൽ ഉന്നതി നിവാസികളും സമരസമിതിയും എന്ത് തീരുമാനമെടുക്കും എന്നതിനെ ആശ്രയിച്ചായിരിക്കും മുന്നോട്ടുള്ള ചർച്ചകൾ. 16 വരെയാണ് കോടതിസമയം അനുവദിച്ചിരിക്കുന്നത്.