ഹോംസ്റ്റേ വായ്‌പ: ഉദ്ഘാടനം 23ന്

കൊച്ചി: ഹോംസ്റ്റേ സംരംഭകർക്കായി കേരള ഗ്രാമീണ ബാങ്ക് നടപ്പാക്കുന്ന വായ്പാവിതരണ പദ്ധതി 23ന് രാവിലെ 10.30ന് എറണാകുളം ബി.ടി.എച്ച് ഹോട്ടലിൽ ടൂറിസം വകുപ്പ് മന്ത്രി പി.സി. വിഷ്ണുനാഥ് ഉദ്ഘാടനം ചെയ്യും. ഹോംസ്റ്റേ സംരംഭകർക്ക് അടിസ്ഥാന സൗകര്യ വികസനം, മുറികളുടെ നവീകരണം, പുതിയ യൂണിറ്റുകൾ ആരംഭിക്കൽ, വികസനം എന്നിവയ്ക്കായി വായ്പ ലഭ്യമാക്കുമെന്ന് കേരള ഹോംസ്റ്റേ ആൻഡ് ടൂറിസം സൊസൈറ്റി സംസ്ഥാന ചെയർമാൻ എം.പി. ശിവദത്തൻ അറിയിച്ചു. താത്പര്യമുള്ള സംരംഭകർക്ക് പേര് രജിസ്റ്റർ ചെയ്യാനും പദ്ധതിയുടെ വിശദാംശങ്ങളും തുടർനടപടികളും നേരിട്ട് ലഭ്യമാക്കാനുമുള്ള സൗകര്യമുണ്ട്. വായ്പാ രജിസ്ട്രേഷനും കൂടുതൽ വിവരങ്ങൾക്കും: 9349253124.