കാപ്പ ചുമത്തി ജയിലിലടച്ചു

ആലുവ: കൊലക്കേസ് പ്രതി നെടുമ്പാശേരി ചെറിയ വാപ്പാലശേരി ചീരോത്തി വീട്ടിൽ മനു മണിയെ (27) കാപ്പ ചുമത്തി വിയ്യൂർ സെൻട്രൽ ജയിലിലടച്ചു. നെടുമ്പാശേരി, കാലടി, ആലുവ ഈസ്റ്റ്, ഇടുക്കി ജില്ലയിലെ കാഞ്ഞാർ പൊലീസ് സ്റ്റേഷൻ പരിധികളിൽ കൊലപാതകം, കൊലപാതകശ്രമം, മോഷണം, കവർച്ച തുടങ്ങി നിരവധി കേസുകളിൽ ഉൾപ്പെട്ടയാളാണ്. 2020ൽ നെടുമ്പാശേരി കയ്യാലപ്പടി പഴം ചിറ ഭാഗത്ത് അങ്കമാലി തുറവൂർ സ്വദേശി ജിസ്മോനെ കൊലപ്പെടുത്തിയ കേസിലെ മൂന്നാം പ്രതിയാണ്. നെടുമ്പാശേരി ഇൻസ്പെക്ടർ ബി.കെ. അരുൺ, സബ് ഇൻസ്പെക്ടർ പി.ജി. സാബു, അസി. സബ് ഇൻസ്പെക്ടർ എം.എസ്. അജിത്ത് കുമാർ എന്നിവരുടെ നേതൃത്വത്തിലാണ് അറസ്റ്റ് ചെയ്തത്.