കർക്കടക കഞ്ഞി വിതരണം

കൊച്ചി: ജില്ലാ ആയുർവേദ ആശുപത്രി സംഘടിപ്പിച്ച കർക്കടക കഞ്ഞി വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് കെ. ജി. രാധാകൃഷ്ണൻ ഉദ്ഘാടനം ചെയ്തു. ജില്ലാ പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്‌സൺ ശ്രീദേവി മധു അദ്ധ്യക്ഷയായി. ജില്ലാ പഞ്ചായത്ത് വൈസ് ചെയർപേഴ്‌സൺ സിന്റ ജേക്കബ് മുഖ്യപ്രഭാഷണം നടത്തി. ആശുപത്രി ചീഫ് മെഡിക്കൽ ഓഫീസർ ഡോ. ബിന്ദു എം, നാഷണൽ ആയുഷ് മിഷൻ ജില്ലാ പ്രോഗ്രാം മാനേജർ ഡോ. ജയകൃഷ്ണൻ കെ. വി. പി, മെഡിക്കൽ ഓഫീസർ (ജി.എച്ച്) ഡോ. സുധീർ ഇ. പി. എന്നിവ‌ർ സംസാരിച്ചു. 27 മുതൽ ഓഗസ്റ്റ് ഒന്നു വരെ ആശുപത്രിയിൽ രോഗികൾക്ക് സൗജന്യമായി ഔഷധ കഞ്ഞി വിതരണം ചെയ്യും.