ശതാബ്ദി ആഘോഷ സ്വാഗതസംഘം

കൊച്ചി: സമസ്തകേരള സാഹിത്യപരിഷത്ത് ശതാബ്ദി ആഘോഷത്തിന് മുഖ്യമന്ത്രി വി.ഡി. സതീശൻ മുഖ്യരക്ഷാധികാരിയായി 201അംഗ സ്വാഗതസംഘം രൂപീകരിച്ചു. സാഹിത്യ പരിഷത്ത് ക്യാമ്പസിൽ സ്വാഗതസംഘം ഓഫീസ് തുറന്നു. സ്വാഗതസംഘ രൂപീകരണയോഗം മേയർ വി.കെ മിനിമോൾ ഉദ്ഘാടനം ചെയ്തു. പരിഷത്ത് പ്രസിഡന്റ് ഡോ. ടി. എസ് ജോയി,​ ടി.ജെ.വിനോദ് എം.എൽ.എ, ഡെപ്യൂട്ടി മേയർ വി.ആർ.സുധീർ, കൗൺസിലർ, കെ.വി.പി കൃഷ്ണകുമാർ, ഭാരവാഹികളായ ഡോ.നെടുമുടി ഹരികുമാർ, ഡോ.എം.സി.ദിലീപ് കുമാർ, ഡോ.അജിതൻ മേനോത്ത്, കെ.എൽ.മോഹനവർമ്മ, ശ്രീമൂലനഗരം മോഹൻ, ബി.ഭദ്ര, എം.കെ.ശശീന്ദ്രൻ, ടി.പി.എം ഇബ്രാഹിംഖാൻ, പി.രാമചന്ദ്രൻ, ഖദീജ സെയ്തുമുഹമ്മദ്, കെ.ബി. സാബു, പി.കെ.സജീവൻ എന്നിവർ സംസാരിച്ചു.