സ്‌നേഹ സേവ്യർ മികച്ച ഐ.സി.ഡി.എസ് സൂപ്പർവൈസർ

കട്ടപ്പന: വനിതാ ശിശു വികസന വകുപ്പിന്റെ മികച്ച ഐ.സി.ഡി.എസ് സൂപ്പർവൈസർക്കുള്ള 2023- 2024 സംസ്ഥാന അവാർഡ് കാഞ്ചിയാർ പഞ്ചായത്തിലെ സ്‌നേഹ സേവ്യറിന് ലഭിച്ചു. എട്ടിന് തിരുവനന്തപുരം നിശാഗന്ധി ഓഡിറ്റോറിയത്തിൽ നടക്കുന്ന വനിതാ ദിനാഘോഷ പരിപാടിയിൽ മന്ത്രി വീണ ജോർജ് മൊമെന്റോയും സാക്ഷ്യപത്രവും വിതരണം ചെയ്യും. അങ്കണവാടികളുടെ സന്ദർശനവും മേൽനോട്ടവും, അങ്കണവാടികളുടെ ഭൗതിക സാഹചര്യം മെച്ചപ്പെടുത്തൽ,​ വകുപ്പുതല സ്‌കീമുകളുടെ നിർവഹണം, വിവിധ പരിശീലന പരിപാടികളുടെ നേതൃത്വം, സ്ത്രീകൾ കുട്ടികൾ വയോജനങ്ങൾ ഭിന്നശേഷിക്കാർ എന്നീ വിഭാഗങ്ങളുടെ ഉന്നമനത്തിനായുള്ള പ്രത്യേക പദ്ധതികളിലൂടെ നിർവഹണം തുടങ്ങിയ മാനദണ്ഡങ്ങൾ പരിഗണിച്ച് 2023- 2024ലെ പ്രവർത്തനങ്ങളെ അടിസ്ഥാനപ്പെടുത്തിയാണ് ഈ അവാർഡ് ലഭിച്ചിട്ടുള്ളത്. അയ്യപ്പൻകോവിൽ പഞ്ചായത്ത് മാട്ടുക്കട്ട സ്വദേശിയാണ്. കപ്പിലാംമൂട്ടിൽ ജെയ്‌മോൻ തോമസാണ് ഭർത്താവ്. മകൻ: ജൊഹാൻ ജയ് തോമസ്.