വിദ്യാഭ്യാസ അവാർഡ് വിതരണം ചെയ്തു

പാലക്കുന്ന്: പാലക്കുന്ന് ചാരിറ്റബിൾ ട്രസ്റ്റ് സംഘടിപ്പിച്ച വിദ്യാഭ്യാസ അവാർഡ് വിതരണ ചടങ്ങ് ഉദുമ ഗ്രാമ പഞ്ചായത്ത് പ്രസിഡന്റ് ചന്ദ്രൻ നാലാം വാതുക്കൽ ഉദ്ഘാടനം ചെയ്തു. ട്രസ്റ്റ് ചെയർമാൻ ജയാനന്ദൻ അദ്ധ്യക്ഷത വഹിച്ചു. പഞ്ചായത്തംഗം കാപ്പിൽ മുഹമ്മദ് ഷിയാസ് മുഖ്യാതിഥിയായി. ട്രസ്റ്റ് അംഗങ്ങളുടെ മക്കളിൽ വിവിധ പരീക്ഷകളിൽ ഉന്നത വിജയം നേടിയവരെ ചന്ദ്രൻ നാലാം വാതുക്കൽ, കാപ്പിൽ മുഹമ്മദ് സിയാസ് എന്നിവർ ഉപഹാരം നൽകി ആദരിച്ചു. പാലക്കുന്ന് കഴകം ഭഗവതി ക്ഷേത്ര പ്രസിഡന്റ് കെ. ബാലകൃഷ്ണൻ, കരിപ്പോടി അയ്യപ്പ ഭജന മന്ദിരം പ്രസിഡന്റ് ഗംഗാധരൻ മേലത്ത്, രക്ഷാധികാരി കുഞ്ഞമ്പുനായർ, വൈസ് ചെയർമാൻ സതീശൻ പൂർണ്ണിമ, മല്ലികാ ഗോപാലൻ, ശ്രീജ പുരുഷോത്തമൻ തുടങ്ങിയവർ സംബന്ധിച്ചു. ട്രസ്റ്റ് കൺവീനർ അശോക് കുതിരക്കോട് സ്വാഗതവും ട്രഷറർ ബി. ദേവദാസ് നന്ദിയും പറഞ്ഞു.