ഓണത്തിന് ഒരു പറ അരിയും ഒരു മുറം പച്ചക്കറിയും

പൊന്മന: സംസ്കൃതി ഗ്രന്ഥശാലയുടെ നേതൃത്വത്തിൽ പൊന്മന വാർഡിൽ നിന്ന തിരഞ്ഞെടുക്കപ്പെട്ട 200 ഓളം കുടുംബങ്ങൾക്ക് ഓണത്തിനൊരുപറ അരിയും ഒരുമുറം പച്ചക്കറിയും നൽകും. ഇന്ന് രാവിലെ 8 മുതൽ ഗ്രന്ഥാശാലാങ്കണത്തിൽ പരിപാടികൾ ആരംഭിക്കും. രാവിലെ 8 മണി : ഗ്രന്ഥശാല,രക്ഷാധികാരി സുഗതൻ മംഗലത്ത് അക്ഷരകൊടിയേറ്റ് നടത്തും. വിനോദമത്സരങ്ങളും ഓണപ്പാട്ട് മത്സരവും ഗ്രന്ഥശാല എക്സ‌ിക്യൂട്ടിവ് അംഗം
സാംസൺ പൊന്മന ഉദ്ഘാടനം ചെയ്യും. വൈകിട്ട് 3 മണിമുതൽ കൊച്ചിൻ ബ്ലൂസ്റ്റാർ ഗാനമേള , 4.30 മുതൽ
സാംസ്ക‌ാരിക സമ്മേളനം ഉദ്ഘാടനവും ഉപഹാരസമർപ്പണവും മന്ത്രി ജെ.ചിഞ്ചുറാണി നി‌ർവഹിക്കും. ഡോ. സുജിത് വിജയൻപിള്ള എം.എൽ.എ അദ്ധ്യക്ഷനാകും. ഗ്രന്ഥശാല സെക്രട്ടറി ആർ.മുരളി സ്വാഗതം പറയും.
ഉന്നത പരീക്ഷ വിജയികൾക്ക് അനുമോദനവും ഉപഹാര സമർപ്പണവും കെ.എം.എം.എൽ മാനേജിംഗ് ഡയറക്ടർ പി.പ്രദീപ്‌കുമാർ നിർവഹിക്കും.