വാട്ടർ അതോറിട്ടി​ പെൻഷണേഴ്‌സ് അസോ. ജില്ലാ പ്രവർത്തക സമ്മേളനം

കൊല്ലം: കേരള വാട്ടർ അതോറിട്ടി​ പെൻഷണേഴ്‌സ് അസോസിയേഷൻ ജില്ലാ പ്രവർത്തക സമ്മേളനം വാട്ടർ സപ്ലൈ പ്രോജക്ട് ഡിവിഷൻ എക്‌സിക്യുട്ടി​വ് എൻജി​നിയർ ആർ. രാജേഷ് ഉണ്ണിത്താൻ ഉദ്ഘാടനം ചെയ്തു. ജില്ലാ പ്രസിഡന്റ് എ.ഡി. ബാബുരാജ് അദ്ധ്യക്ഷത വഹിച്ചു.

സംഘടനയുടെ രക്ഷാധികാരിയായി 20 വർഷം പ്രവർത്തിച്ച തറയിൽ ശശിയെ യോഗം അനുസ്മരിച്ചു. പെൻഷൻ പരിഷ്‌കരണത്തിനുവേണ്ടി അതോറിട്ടി​യുടെ ചരിത്രത്തിൽ മൂന്നര മാസം നീണ്ടുനിന്ന സമരത്തിൽ നിരാഹാരം അനുഷ്ഠിച്ച സംസ്ഥാന സെക്രട്ടറി എ.ഡി. ബാബുരാജനെ എക്‌സിക്യുട്ടീവ് എൻജി​നിയർ പൊന്നാട ചാർത്തി. പെൻഷൻ പരിഷ്‌കരണ കുടിശികയും മറ്റാനുകൂല്യങ്ങളും അടിയന്തിരമായി അനുവദിക്കണമെന്നും പ്രായാധിക്യത്താൽ കുഴയുന്നവരെ സ മരമുഖത്തേക്ക് തള്ളിവിടരുതെന്നും യോഗം സർക്കാരിനോടും മാനേജ്‌മെന്റി​നോടും അഭ്യർത്ഥിച്ചു. ജില്ലാ സെക്രട്ടറി എ. ഷംസുദ്ദീൻ റിപ്പോർട്ട് അവതരിപ്പിച്ചു. വി.വിമലൻ മുഖ്യപ്രഭാഷണം നടത്തി. വി.എസ്. സുലേഖ അനുസ്മരണ പ്രമേയം അവതരിപ്പിച്ചു. ബി.രാജേന്ദ്രൻ പിള്ള, എൻ.രാമകൃഷ്ണപിള്ള, വിൽസൺ, ബി. തങ്കമണി അമ്മാൾ എന്നിവർസംസാരി​ച്ചു.