സെൻസസ് ബോധവത്കരണം

അഞ്ചാലുംമൂട്: ഗവ. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സിന്റെ നേതൃത്വത്തിൽ സെൻസസ് ബോധവത്കരണവും സെൽഫ് എനുമറേഷൻ ഹെൽപ് ഡെസ്കും സംഘടിപ്പിച്ചു. ഹെഡ്മാസ്റ്റർ ബി. കൃഷ്ണകുമാർ ഉദ്ഘാടനം ചെയ്തു.

കൊല്ലം ജില്ലാ പ്ലാനിംഗ് ഓഫീസിലെ സെൻസസ് ഫീൽഡ് ഓഫീസറും റിസർച്ച് അസിസ്റ്റന്റുമായ ജി​. സുരേഷ്‌ കുമാർ ലിറ്റിൽ കൈറ്റ്സ് കേഡറ്റുകൾക്കായി​ അവബോധ ക്ലാസ് നയിച്ചു. ജില്ലാ സെൻസസ് ഓഫീസർ എസ്. രാജീവ്, പി.ടി.എ വൈസ് പ്രസിഡന്റ് ഷംനാദ്, കൈറ്റ് മെന്റർ ജി. രശ്മി എന്നിവർ പങ്കെടുത്തു. അഖിൽ, അമൃത എന്നിവർ സാങ്കേതിക സഹായം നൽകി. അഞ്ചാലുംമൂട് ജംഗ്ഷനിലെ കടകളിലും പരിസരങ്ങളിലും ബോധവത്കരണ ബ്രോഷറുകൾ വിതരണം ചെയ്തു.