സർവേയ്‌ക്ക് തുടക്കമായി

കോട്ടയം : മാലിന്യമുക്തനവകേരളം ക്യാമ്പയിന്റെ ഭാഗമായി ജില്ലയിൽ ഗാർഹിക കമ്മ്യൂണിറ്റിതല ജൈവമാലിന്യ സംസ്കരണ ഉപാധികളുടെ പ്രവർത്തനക്ഷമത സംബന്ധിച്ച സർവേ ആരംഭിച്ചു. ഹരിതകർമ്മസേന മുഖേന ഹരിതമിത്രം ആപ്പ് ഉപയോഗിച്ചാണ് സർവേ നടത്തുന്നത്. ഓരോ വാർഡിനെയും ഹരിതകർമ്മസേനാംഗങ്ങൾ എ.ഡി.എസ്, സി.ഡി.എസ്, ഓക്‌സിലറി ഗ്രൂപ്പ് എന്നിവരടങ്ങുന്ന രണ്ട്മൂന്ന് ടീമുകളാണ് സർവേ നടത്തുന്നത്. ഉദ്ഘാടനം വിജയപുരത്ത് ഗ്രാമപഞ്ചായത്ത് പ്രസിഡന്റ് വി.ടി സോമൻകുട്ടി നിർവഹിച്ചു. തദ്ദേശസ്വയംഭരണ വകുപ്പ്, ശുചിത്വ മിഷൻ, കുടുംബശ്രീ, ഇൻഫർമേഷൻ കേരളമിഷൻ പ്രതിനിധികൾ പങ്കെടുത്തു.