പൂർവവിദ്യാർത്ഥി മഹാസമ്മേളനം 

ചങ്ങനാശേരി : എസ്.ബി കോളേജ് പൂർവ വിദ്യാർത്ഥി മഹാസമ്മേളനം പൂർവ വിദ്യാർത്ഥിയും, ബംഗളൂരു സേവ്യർ ഇൻസ്റ്റിറ്റ്യൂട്ട് ഒഫ് മാനേജ്‌മെന്റ് ആൻഡ് ഓൻട്രപ്രണർഷിപ്പ് ചെയർമാൻ പ്രൊഫ.ജെ. ഫിലിപ്പ് ഉദ്ഘാടനം ചെയ്തു. അലുമ്‌നി അസോസിയേഷൻ പ്രസിഡന്റ് ഡോ.എൻ.എം മാത്യു അദ്ധ്യക്ഷത വഹിച്ചു. അതിരൂപത വികാരി ജനറാളും കോളേജ് മാനേജരുമായ മോൺ.ആന്റണി ഏത്തക്കാട് അനുഗ്രഹ പ്രഭാഷണം നടത്തി. പ്രിൻസിപ്പൽ ഫാ.റെജി പ്ലാത്തോട്ടം മികച്ച വിദ്യാർത്ഥികൾക്ക് സ്‌കോളർഷിപ്പുകൾ വിതരണം ചെയ്തു. തുടർന്ന് കലാസന്ധ്യയും സ്‌നേഹ വിരുന്നും നടന്നു.