സേവനങ്ങൾ സുതാര്യമാക്കി

വാഴൂർ : രജിസ്‌ട്രേഷൻ വകുപ്പിന്റെ സേവനങ്ങൾ സുതാര്യമാക്കിയതായി മന്ത്രി കടന്നപ്പള്ളി രാമചന്ദ്രൻ പറഞ്ഞു. വാഴൂർ സബ് രജിസ്ട്രാർ ഓഫീസിന്റെ ഉദ്ഘാടനവും, മിനി സിവിൽ സ്റ്റേഷൻ മന്ദിര സമർപ്പണവും നിർവഹിക്കുകയായിരുന്നു അദ്ദേഹം.
ചീഫ് വിപ്പ് ഡോ.എൻ. ജയരാജ് അദ്ധ്യക്ഷത വഹിച്ചു. പൊതുമരാമത്ത് കെട്ടിടവിഭാഗം എക്സിക്യുട്ടീവ് എൻജിനിയർ പി. ശ്രീലേഖ റിപ്പോർട്ട് അവതരിപ്പിച്ചു. ജില്ലാ പഞ്ചായത്ത് പ്രസിഡന്റ് ഹേമലത പ്രേം സാഗർ, വാഴൂർ ഗ്രാമപഞ്ചായത്ത് പ്രസിഡന്റ് തോമസ് വെട്ടുവേലി, ഷാജി പാമ്പൂരി, ലതാ ഷാജൻ, ജിജി നടുവത്താനി, പി.ജെ. ശോശാമ്മ, പി.കെ. സാജൻകുമാർ, സ്മിത ബിജു, സി.കെ. പ്രസാദ് എന്നിവർ പ്രസംഗിച്ചു.