ലോക വനിതാ ദിനാചരണം

വൈക്കം: ലോക വനിതാ ദിനാചരണത്തോടനുബന്ധിച്ച് സ്ത്രീ സംരംഭകയെന്ന നിലയിൽ മികച്ച പ്രവർത്തനം നടത്തിയ ആയുർവേദ ഡോക്ടറും ബിസിനസ് പോസ്​റ്റ് വിഭാഗത്തിലെ മികച്ച കസ്​റ്റമറുമായ ഡോ.മാലുമഹേന്ദ്രയെ വൈക്കം ഹെഡ് പോസ്​റ്റ് ഓഫീസിന്റെ ആഭിമുഖ്യത്തിൽ ആദരിച്ചു. നാരി ശക്തി വാരാചരണ ആഘോഷങ്ങളുടെ ഭാഗമായി പോസ്​റ്റ് മാസ്​റ്റർ അലക്സ് കെ.ചാണ്ടിയുടെ അദ്ധ്യക്ഷതയിൽ നടന്ന യോഗത്തിൽ വൈക്കം സബ്ഡിവിഷൻ പോസ്​റ്റ് ഇൻസ്‌പെക്ടർ പി. സുദീപ്, ഡെപ്യൂട്ടി പോസ്​റ്റ് മാസ്​റ്റർ എം. സുജാത തുടങ്ങിയവർ പ്രസംഗിച്ചു. തപാൽ വകുപ്പ് ഉദ്യോഗസ്ഥർ, വനിതാ സംരംഭകർ തുടങ്ങി നിരവധി പേർ ചടങ്ങിൽ പങ്കെടുത്തു.