റബർ ഫാക്ടറിയിൽ വൻതീപിടിത്തം

കോട്ടയം: ചിങ്ങവനം എഫ്.എ.സി.ടി കടവിലെ കീർത്തി റബർ ഫാക്ടറിയിലുണ്ടായ തീപിടിത്തത്തിൽ 55 ലക്ഷം രൂപയുടെ നാശനഷ്ടം. ഇന്നലെ ഉച്ചയ്ക്ക് രണ്ടോടെയാണ് സംഭവം. റബർ അരച്ച് മാറ്റുണ്ടാക്കുന്നതിനുള്ള പൊടിയും മാലിന്യങ്ങളുമാണ് കത്തിനശിച്ചത്. വിവരമറിഞ്ഞ് കോട്ടയത്ത് നിന്ന് മൂന്ന് യൂണിറ്റും ചങ്ങനാശേരിയിൽ നിന്ന് ഒരു യൂണിറ്റും ഫയർഫോഴ്സ് സ്ഥലത്തെത്തി. നാലരമണിക്കൂറെടുത്താണ് തീ പൂർണ്ണമായി നിയന്ത്രണവിധേയമാക്കിയത്. തീപിടുത്തത്തിന്റെ കാരണം വ്യക്തമല്ലെന്ന് സേനാംഗങ്ങൾ അറിയിച്ചു.