പൊന്നിൻ തിരുവോണം

കോഴിക്കോട്: കാണം വിറ്റും ഓണം ഉണ്ണണം എന്നാണല്ലോ.....ഓണക്കോടിയും സദ്യവട്ടത്തിനുള്ള വിഭവങ്ങളും വാങ്ങി ഓണം കളറാക്കാൻ തീരുമാനിച്ചതോടെ ഉത്രാടപ്പാച്ചിലിൽ ഗ്രാമ-നഗര വീഥികൾ ജനസമുദ്രമായി. കോഴിക്കോട് നഗരത്തിൽ മിഠായിത്തെരുവും മാനാഞ്ചിറയും വലിയങ്ങാടിയും പാളയവും ബീച്ചുമെല്ലാം തിങ്ങി നിറഞ്ഞു. രാവിലെ ആരംഭിച്ച തിരക്ക് രാത്രിയിലും തുടർന്നു. വില കുറയുമെന്ന പ്രതീക്ഷയിൽ പൂ വിൽപ്പന കേന്ദ്രങ്ങളിലേക്ക് രാത്രിയിലാണ് ആളുകൾ കൂട്ടമായി എത്തിയത്. നഗരത്തിലെ വസ്ത്രാലയങ്ങളിൽ നിന്നുതിരിയാൻ ഇടമില്ലാത്ത തിരക്കായിരുന്നു. ഗൃഹോപകരണ ഷോപ്പുകളിലും നല്ല തിരക്ക് അനുഭവപ്പെട്ടു. പലവ്യഞ്ജന കടകളിലും പച്ചക്കറി കടകളിലും ഓണ വിഭവങ്ങൾക്കുള്ള സാധനങ്ങൾ വാങ്ങാനായി ആളുകൾ തിക്കിത്തിരക്കി. ഓണക്കച്ചവടം ലക്ഷ്യമിട്ട് പല കടകളും ഇന്നലെ രാത്രി കൂടുതൽ സമയം പ്രവർത്തിച്ചു. വഴിയോര കച്ചവടങ്ങളും ഉഷാറായി. മഴ മാറി മാനം തെളിഞ്ഞത് കച്ചവക്കാർക്കും സാധനങ്ങൾ വാങ്ങാനെത്തുന്നവർക്കും അനുഗ്രഹമായി. അന്യസംസ്ഥാനങ്ങളിൽ നിന്നെത്തിയവരുടെ വഴിയോരക്കച്ചവടവും പൊടിപൊടിച്ചു. തുണിത്തരങ്ങൾ,വീട്ടുസാമഗ്രികൾ എന്നിവയെല്ലാം വിലക്കുറവിൽ വിറ്റഴിഞ്ഞു. പാളയത്തും പച്ചക്കറികൾ വാങ്ങാനെത്തിയവരുടെ തിരക്കായിരുന്നു.

ആഘോഷത്തിലലിഞ്ഞ്

വയനാട് ദുരന്ത പശ്ചാത്തലത്തിൽ വലിയ ആഘോഷങ്ങൾ ഇല്ലെങ്കിലും സാംസ്‌കാരിക സംഘടനകളും ക്ലബുകളും വിവിധ റസിഡൻസ് അസോസിയേഷനുകളും ഓണാഘോഷം സംഘടിപ്പിച്ചു. വിവിധ തരത്തിലുള്ള കലാപരിപാടികളും മത്സരങ്ങളും അരങ്ങേറി.

മിഠായിത്തെരുവിൽ തിങ്ങി നിറഞ്ഞ്

കോഴിക്കോടിന്റെ പ്രധാന വസ്ത്രവ്യാപാര കേന്ദ്രമായ മിഠായിത്തെരുവിൽ ആളുകൾ തിങ്ങി നിറഞ്ഞു. റോഡിൽ നിന്നുതിരിയാൻ ഇടമില്ലാത്ത സ്ഥിതിയായിരുന്നു. പലയിടത്തും റോഡിലെ തിരക്ക് നിയന്ത്രിക്കാൻ പൊലീസിന് ഇടപെടേണ്ടിവന്നു. വസ്‌ത്രങ്ങൾക്ക് പുറമെ ഗൃഹോപകരണങ്ങൾ,വാഹനങ്ങൾ,മൊബൈൽ ഫോൺ,ചെരിപ്പുകൾ തുടങ്ങി എല്ലാത്തിനും ആകർഷകമായ ഓണം ഓഫറുകൾ ഒരുക്കിയാണ് വ്യാപാരികൾ വിപണിയെ ഉഷാറാക്കിയത്. നഗരത്തിലെ മാളുകളിലും വിവിധ മുൻനിര ഷോപ്പുകളിലും വൻ തിരക്കായിരുന്നു.

റീൽസോണം

പൂക്കളും സദ്യയും ഓണക്കോടിയുമായി സമൂഹമാദ്ധ്യമങ്ങളിലും ഓണാഘോഷം തകൃതി. പുതുതലമുറയുടെ ഓണം ‘കളറാകു’ന്നത് തകർപ്പൻ ഓണം റീലുകളിലൂടെയായതിനാൽ പലരുംറീൽസെടുത്ത് ഓണം ഉഷാറാക്കുന്ന തിരക്കിലായിരുന്നു. ചിലർ ഓണ നാളിൽ റീൽസെടുക്കാനുള്ള ഡാൻസ് പ്രാക്ടീസിലും. വീഡിയോഗ്രാഫർമാരും സ്റ്റുഡിയോകളുമൊക്കെ റീൽ നിർമാണങ്ങളുടെ തിരക്കിൽത്തന്നെ. 30 സെക്കന്റ് മുതൽ ഒരു മിനിറ്റ് വരെയുള്ള ചെറു വീഡിയോകളാണ് ഓണം റീലുകൾ. കൂട്ടുകാർക്കൊപ്പവും, വീട്ടുകാർക്കൊപ്പവും ചേർന്നുള്ള ചെറു വീഡിയോകളും ട്രെൻഡിലുണ്ട്. സാമൂഹിക മാധ്യമങ്ങളിൽ ഇടുന്നതിന് ഓണപ്പാട്ടും ചേർത്ത് റീൽസുണ്ടാക്കുന്നത് വ്യാപകമാണ്.

ഉ​ത്രാ​ട​പാ​ച്ചി​ലിൽ
കു​രു​ങ്ങി​ ​യാത്ര
കോ​ഴി​ക്കോ​ട്:​ ​ഉ​ത്രാ​ട​പാ​ച്ചി​ലി​ൽ​ ​കു​രു​ങ്ങി​ ​നാ​ടും​ ​ന​ഗ​ര​വും.​ ​വ​ഴി​യോ​ര​ക്ക​ച്ച​വ​ടം​ ​പൊ​ടി​പൊ​ടി​ച്ച​തോ​ടെ​ ​പാ​ള​യം,​ ​മാ​നാ​ഞ്ചി​റ,​ ​മി​ഠാ​യി​ത്തെ​രു​വ്,​ ​മാ​വൂ​ർ​ ​റോ​ഡ്,​ ​സ്റ്റേ​ഡി​യം​ ​ജം​ഗ്ഷ​ൻ,​ ​കെ.​എ​സ്.​ആ​ർ.​‌​ടി.​സി​ ​എ​ന്നി​വി​ട​ങ്ങ​ളി​ലെ​ല്ലാം​ ​ഗ​താ​ഗ​ത​ക്കു​രു​ക്കും​ ​രൂ​ക്ഷ​മാ​യി.​ ​
പാ​ർ​ക്കിം​ഗ് ​സൗ​ക​ര്യ​ത്തി​ന്റെ​ ​അ​ഭാ​വം​ ​ആ​ളു​ക​ളെ​ ​ന​ന്നേ​ ​വ​ല​ച്ചു.​ ​പാ​ർ​ക്കിം​ഗ് ​പ്ലാ​സ​ക്കാ​യി​മി​ഠാ​യി​ത്തെ​രു​വി​ലെ​ ​ബി​ൽ​ഡിം​ഗ് ​പൊ​ളി​ച്ച​ ​സ്ഥ​ല​ത്ത് ​ഇ​രു​ച​ക്ര​വാ​ഹ​ന​ങ്ങ​ൾ​ ​പാ​ർ​ക്ക് ​ചെ​യ്തി​രി​ക്കു​ക​യാ​ണ്.​ ​
ഇ​വി​ടെ​ ​വാ​ഹ​ന​ങ്ങ​ൾ​ ​എ​ടു​ക്കാ​നും​ ​വ​യ്ക്കാ​നും​ ​വ​രു​ന്ന​വ​രും​ ​ഗ​താ​ഗ​ത​ക്കു​രു​ക്കു​ണ്ടാ​ക്കി.​ ​പൂ​ക്ക​ളും​ ​മ​റ്റു​ ​സാ​ധ​ന​ങ്ങ​ളും​ ​വാ​ങ്ങാ​ൻ​ ​വ​രു​ന്ന​വ​രു​ടെ​ ​തി​ര​ക്കാ​യി​രു​ന്നു​ ​അ​ധി​ക​വും.​ ​ന​‌​ഗ​ര​ത്തി​ൽ​ ​രാ​വി​ലെ​ ​മു​ത​ലേ​ ​ഗ​താ​ഗ​തം​ ​പ​തു​ക്കെ​യാ​യി​രു​ന്നു.​ ​ചി​ല​നേ​ര​ങ്ങ​ളി​ൽ​ ​മു​ത​ല​ക്കു​ളം​ ​മു​ത​ൽ​ ​പാ​ള​യം​ ​വ​രെ​ ​കു​രു​ക്ക് ​നീ​ണ്ടു.