ബി.ജെ.പി മണ്ഡലം കൺവെൻഷൻ

ബാലുശ്ശേരി: ബി.ജെ.പി ബാലുശ്ശേരി മണ്ഡലം കൺവെൻഷനും ഭാരവാഹി സ്ഥാനാരോഹണവും യുവമോർച്ച സംസ്ഥാന പ്രസിഡന്റ് പ്രഫുൽ കൃഷ്ണ ഉദ്ഘാടനം ചെയ്തു. കേരളത്തിലെ ഇടതു സർക്കാർ അഴിമതിയിൽ മുങ്ങിയിരിക്കുകയാണെന്ന് അദ്ദേഹം പറഞ്ഞു. പി പി കിറ്റ് ഇടപാടും മദ്യനയവും സർക്കാരിനെ നാണംകെടുത്തിയിരിക്കുകയാണ്. നിയോജകമണ്ഡലം മുൻ പ്രസിഡന്റ് ബബീഷ് ഉണ്ണികുളം അദ്ധ്യക്ഷത വഹിച്ചു . മണ്ഡലം പ്രസിഡന്റായി ഷൈനി ജോഷി ചുമതല ഏറ്റെടുത്തു. ബി.ജെ.പി സംസ്ഥാന വൈസ് പ്രസിഡന്റ് വി.വി രാജൻ, മേഖല ഭാരവാഹികളായ എൻ. പി.രാമദാസ്, എം.സി ശശീന്ദ്രൻ, ജില്ലാ ഭാരവാഹികളായ ടി.ബാലസോമൻ, ടി. ദേവദാസ്, കെ.കെ.ഗോപിനാഥൻ, മണ്ഡലം ഭാരവാഹികളായ റീന ഉണ്ണികുളം, ബീന കാട്ടുപറമ്പത്ത്, വിമല കുമാരി മഠത്തിൽ എന്നിവർ പ്രസംഗിച്ചു.