'സ്പർശം  2026' കുടുംബ സംഗമം

പുൽപ്പള്ളി: കാരുണ്യ പെയിൻ ആൻഡ് പാലിയേറ്റീവ് കെയർ സൊസൈറ്റിയുടെ നേതൃത്വത്തിൽ സംഘടിപ്പിച്ച 'സ്പർശം 2026' രോഗി കുടുംബ സംഗമം മാനവികതയുടെയും ഒത്തുചേരലിന്റെയും പ്രതീകമായി. പുൽപ്പള്ളി തിരുഹൃദയ പള്ളി ഓഡിറ്റോറിയത്തിൽ നടന്ന സംഗമം പുൽപ്പള്ളി ഗ്രാമപഞ്ചായത്ത് പ്രസിഡന്റ് ബിന്ദു പ്രകാശ് ഉദ്ഘാടനം ചെയ്തു. കാരുണ്യ പ്രസിഡന്റ് എൻ.യു. ഇമ്മാനുവൽ അദ്ധ്യക്ഷത വഹിച്ചു. തിരുഹൃദയ ദേവാലയ വികാരി റവ. ഫാ. ജോഷി പുൽപ്പയിൽ മുഖ്യപ്രഭാഷണം നടത്തി. വ്യാപാരി വ്യവസായി ഏകോപന സമിതി പ്രസിഡന്റ് മത്തായി ആതിര, കെ. ജി. സുകുമാരൻ, അർച്ചന സതീഷ്, ജെസി ജൂഡ് എന്നിവർ പ്രസംഗിച്ചു. ജോബിഷ് യോഹന്നാൻ സ്വാഗതം പറഞ്ഞു.