വോളിബോൾ പരിശീലനക്കളരി

കുറ്റ്യാടി: നരിക്കൂട്ടുംചാൽ യൂണിറ്റി റസിഡൻസ് അസോസിയേഷൻ പത്തിനും 20 വയസിനും ഇടയിലുള്ള കുട്ടികൾക്കായി സംഘടിപ്പിച്ച വോളിബോൾ പരിശീലന പരിപാടി സമാപിച്ചു . കുന്നുമ്മൽ ബ്ലോക്ക് പഞ്ചായത്ത് പ്രസിഡന്റ് കെ.ശശീന്ദ്രൻ ഉദ്ഘാടനം ചെയ്തു. പ്രസിഡന്റ് കെ.വി ശശിധരൻ അദ്ധ്യക്ഷത വഹിച്ചു . വിനോദൻ കൂരാറ, ദിനേശൻ എൻ.കെ , റീജ, അഡ്വ.ഷൈജു, അനുപ് കുമാർ എന്നിവർ പ്രസംഗിച്ചു. ഇന്ത്യൻ റെയിൽവേ കോച്ച് പ്രദീപ്കുമാർ, സായി കോച്ച് സൂരജ്, ഇന്ത്യൻ റെയിൽവേ താരം അക്ഷയ്, മുൻ കാലിക്കറ്റ് യൂണിവേഴ്സിറ്റി താരം കെ.വി ശശിധരൻ, കെ.ജി സുധീഷ് ക്ലാസെടുത്തു. സെക്രട്ടറി എം.സി സതീഷ് കുമാർ സ്വാഗതം പറഞ്ഞു.