സ്‌കൂൾ കിറ്റ് വിതരണത്തിന്  പെരിന്തൽമണ്ണയിൽ തുടക്കമായി

പെരിന്തൽമണ്ണ: ജെ.സി.ഐ അലുമിനി ക്ലബ്ബിന്റെ നേതൃത്വത്തിൽ വിദ്യാർത്ഥികൾക്കായി സ്‌കൂൾ കിറ്റുകൾ വിതരണം ചെയ്യുന്ന 'ബാഗ്‌സ് ഓഫ് ഹോപ്പ്' പ്രോജക്ടിന്റെ സോൺ ലെവൽ ഉദ്ഘാടനം പെരിന്തൽമണ്ണ സായി സ്‌നേഹതീരം ട്രൈബൽ ഹോസ്റ്റലിൽ സദാനന്ദൻ നിർവ്വഹിച്ചു. സോൺ വൈസ് ചെയർമാൻ ജിജോ ദേവസ്യ അദ്ധ്യക്ഷനായി. ജെ.സി.ഐ മുൻ ദേശീയ പ്രസിഡന്റ് സന്തോഷ് കുമാർ, ഡി.എം.ഒ ഡോ.ഷിബുലാൽ, സോൺ ചെയർമാൻ ജെ.സി.ഐ സെനറ്റർ അരുൺ രവി മുഖ്യാതിഥികളായി.
പ്രോഗ്രാം കോ-ഓർഡിനേറ്റർ ഭാസ്‌കർ പെരുമ്പിലാവിൽ, കൃഷ്ണകുമാർ, വർഷ എസ്.കുമാർ, അനുരൂപ് ശ്രീനിവാസ്, സലീം, ഡോ.ജയകൃഷ്ണൻ സംസാരിച്ചു. വരും ദിവസങ്ങളിൽ സോണിന്റെ കീഴിലുള്ള മറ്റു റീജിയണുകളിലും സ്‌കൂൾ ബാഗ് വിതരണം തുടരുമെന്ന് ക്ലബ് ഭാരവാഹികൾ അറിയിച്ചു.