വാർഷികാഘോഷം

ശ്രീകൃഷ്ണപുരം: ശ്രീകൃഷ്ണപുരം പഞ്ചായത്ത് മൾട്ടിപർപ്പസ് കോ-ഓപ്പറേറ്റിവ് സൊസൈറ്റിയുടെ പത്താം വാർഷികാഘോഷം ചെർപ്പുളശ്ശേരി ഉപ ജില്ലാ വിദ്യാഭ്യാസ ഓഫീസർ ഇ.രാജൻ ഭദ്രദീപം തെളിയിച്ചു ഉദ്ഘാടനം ചെയ്തു. സംഘം പ്രസിഡന്റ് വി.കെ.രാധാകൃഷ്ണൻ അദ്ധ്യക്ഷനായി. കാൻസർ രോഗികൾക്കുള്ള ഭക്ഷ്യധാന്യ കിറ്റുകളുടെ വിതരണവും സംഘത്തിന്റെ 2023-24 വർഷത്തെ ലാഭവിഹിതം വിതരണോദ്ഘാടനവും നിർവഹിച്ചു. സംഘം വൈസ് പ്രസിഡന്റ് വി.എൻ.കൃഷ്ണൻ, ഡയറക്ടർ കെ.വിദ്യാധരൻ, സെക്രട്ടറി സി.പി.ഷൈലജ സഹകരണ ജനാധിപത്യ വേദി ജില്ലാ സെക്രട്ടറി പി.ഗിരീശൻ സംസാരിച്ചു.