പ്രതിഷേധ സമരം നടത്തി

പാലക്കാട്: പെൻഷൻ പരിഷ്‌കരണം അട്ടിമറിച്ച സംസ്ഥാന ബഡ്ജറ്റിനെതിരെ കെ.എസ്.എസ്.പി.എ പ്രതിഷേധ പ്രകടനവും ധർണയും നടത്തി. സംസ്ഥാന വൈസ് പ്രസിഡന്റ് സി.ബാലൻ ഉദ്ഘാടനം ചെയ്തു. പെൻഷൻ പരിഷ്‌കരണ കമ്മീഷനെ ഉടൻ നിയമിക്കണമെന്നും ഡി.ആർ.ഐ കുടിശിക അനുവദിക്കണമെന്നും മെഡിസെപ്പിലെ അപാകതകൾ പരിഹരിക്കണമെന്നും അദ്ദേഹം ആവശ്യപ്പെട്ടു. നിയോജക മണ്ഡലം പ്രസിഡന്റ് പ്രഭുൽകുമാർ അദ്ധ്യക്ഷനായി. ജില്ലാ വൈസ് പ്രസിഡന്റ് കെ.അനന്തൻ, ജില്ലാ ജോയിന്റ് സെക്രട്ടറി കെ.ഭരതരാജൻ, കെ.ബലറാം, വിജയകുമാർ കോങ്ങാട്, വി.ആന്റണി, പി.ഡി.സുവർണൻ, സി.അച്ചുതൻ, ടി.പി ഉമ്മൻ, പോൾ പി.ആലീസ്, സി.പ്രസാദ്, കെ.രാധിക, കെ.ടി.ഉഷ എന്നിവർ സംസാരിച്ചു.