സെമിനാർ സംഘടിപ്പിച്ചു

ഷൊർണൂർ: നഗരസഭാ വികസന സെമിനാർ നടത്തി. ചെയർമാൻ എം.കെ.ജയപ്രകാശ് ഉദ്ഘാടനം ചെയ്തു. നഗരസഭയിലെ വിവിധ പ്രദേശങ്ങളിലെ വികസന പദ്ധതികളെ ചർച്ച ചെയ്യുന്നതിനുള്ള വിവിധ വർക്കിംഗ് ഗ്രൂപ്പുകളുമായി ചർച്ച നടത്തുകയും, വിവിധ വികസന പദ്ധതികളെ കുറിച്ച് മാർഗ്ഗരേഖ തയ്യാറാക്കുകയും ചെയ്തു. 23-ാം വാർഡിൽ കെ.എ.സമാജത്തിന് സമീപത്തു കൂടി ഭാരത പുഴയിലേക്കുള്ള റോഡ് ഇല്ലാതായത് പരിശോധന നടത്തണമെന്നും, തടയണയിലേക്ക് റോഡ് നിർമ്മിക്കണമെന്നും തുടങ്ങി നിരവധി ആവശ്യങ്ങൾ ഉന്നയിച്ചു. വൈസ് ചെയർപേഴ്സൺ പി.സിന്ധു, ഫാത്തിമത് ഫർസാന, മുകുന്ദൻ, ലക്ഷ്മണൻ തുടങ്ങിയവർ സംസാരിച്ചു.