കമ്മ്യൂണിക്കോർ പദ്ധതി തുടങ്ങി

പാലക്കാട്: ഇംഗ്ലീഷ് ഭാഷാ നൈപുണ്യം നൽകുന്നതിനായി കുടുംബശ്രീയുടെ കമ്മ്യൂണിക്കോർ പദ്ധതി തുടങ്ങി. ഗുണമേന്മയുള്ള ഉന്നത വിദ്യാഭ്യാസവും തൊഴിൽ അവസരങ്ങളും ഡിജി​റ്റൽ സാക്ഷരതയും ലഭ്യമാക്കുക എന്ന ലക്ഷ്യത്തോടെ ആരംഭിച്ച പദ്ധതിയാണ് കമ്മ്യൂണിക്കോർ. വണ്ടാഴി സി.ഡി.എസിൽ നടന്ന പരിപാടി പഞ്ചായത്ത് പ്രസിഡന്റ് കെ.എൽ.രമേഷ് ഉദ്ഘാടനം ചെയ്തു. വൈസ് പ്രസിഡന്റ് പി.ശശികല അദ്ധ്യക്ഷയായി. അസിസ്​റ്റന്റ് ജില്ലാ മിഷൻ കോഓർഡിനേ​റ്റർ എൻ.ഉണ്ണിക്കൃഷ്ണൻ പദ്ധതി അവതരിപ്പിച്ചു. വികസനകാര്യ സ്റ്റാൻഡിംഗ് കമ്മി​റ്റി ചെയർമാൻ പി.ശശികുമാർ, ഗ്രാമപഞ്ചായത്ത് അംഗങ്ങളായ രമണി കേശവൻകുട്ടി, വി.വാസു, അസിസ്റ്റന്റ് സെക്രട്ടറി ചെന്താമരാക്ഷൻ, സി.ഡി.എസ് ചെയർപേഴ്സൺ കനകലത ചന്ദ്രൻ, അർഷിൻ, അക്ഷര, സുഭാഷിണി, മനിത, എന്നിവർ സംസാരിച്ചു. പരിശീലന പരിപാടിയിൽ 35 കുട്ടികൾ പങ്കെടുത്തു.