നാഷണൽ ജനതാദൾ പ്രതിഷേധം

പത്തനംതിട്ട : ഇന്ത്യാ മുന്നണി നേതാവും പ്രതിപക്ഷ നേതാവുമായ രാഹുൽ ഗാന്ധിയെ അവഹേളിക്കുന്ന സംഘപരിവാർ, ബി.ജെ.പി നേതൃത്വത്തിന്റെ നിലപാടിൽ നാഷണൽ ജനതാദൾ ജില്ലാ കമ്മി​റ്റി പ്രതിഷേധിച്ചു. രാജ്യത്തെ ന്യൂനപക്ഷ അവഗണനയും ഏകാധിപത്യ സ്വരവുമാണ് സംഘപരിവാർ പ്രസ്താവനയിലൂടെ കാണുന്നത് എന്ന് യോഗം വിലയിരുത്തി. ജില്ലാ പ്രസിഡന്റ് ജോൺ സാമുവേൽ അദ്ധ്യക്ഷനായി​രുന്നു. സംസ്ഥാന വൈസ് പ്രസിഡന്റ് വത്സമ്മ ജോൺ ഉദ്ഘാടനം ചെയ്തു. ജനറൽ സെക്രട്ടറി മധു ചെമ്പുകുഴി, ശാന്തിജൻ ചൂരക്കുന്നേൽ, ഷാജി, കോന്നിയൂർ ആനന്ദൻ, ജെയ്‌സൻ ഉതുംകുഴിയിൽ, വിലാസിനി പാപ്പൻ, കാർത്ത്യായനി, മണി മോഹൻ, തങ്കമണി കുമാരൻ എന്നിവർ പ്രസംഗിച്ചു.