പെരുമ്പാമ്പിനെ പിടികൂടി

ചെങ്ങന്നൂർ: തിരുവൻവണ്ടൂർ പഞ്ചായത്തിലെ ഉമ്മയാറ്റുകരയിൽ സ്വകാര്യ ആശുപത്രിക്ക് സമീപത്തുനിന്ന് കൂറ്റൻ പെരുമ്പാമ്പിനെ പിടികൂടി. വ്യാഴാഴ്ച രാത്രി 11ന് വഴിയാത്രക്കാരനാണ് 8 അടി നീളമുള്ള പെരുമ്പാമ്പിനെ കണ്ടത്. തുടർന്ന് വിവരം ചെങ്ങന്നൂർ പൊലീസ് സ്റ്റേഷനിൽ അറിയിക്കുകയായിരുന്നു. പൊലീസിന്റെ സന്ദേശത്തെ തുടർന്ന് സ്ഥലത്തെത്തിയ ഫോറസ്റ്റ് കെയർ ടേക്കർ സാം ജോണിന്റെ നേതൃത്വത്തിൽ പാമ്പിനെ പിടികൂടി. പെരുമ്പാമ്പിനെ പിന്നീട് വനംവകുപ്പ് ഉദ്യോഗസ്ഥർ ഏറ്റുവാങ്ങി വനമേഖലയിൽ തുറന്നുവിട്ടു.