ലഹരി ഗുളികയുമായി യുവാവ് പിടിയിൽ​ 

രാമനാട്ടുകര: മാരക രാസ ലഹരി ഗുളികയുമായി ഗുരുവായൂരപ്പൻ കോളേജ് സ്വദേശി എക്സൈസ് പിടിയി​ലായി. എക്സൈസ് ഇൻസ്പെക്ടർ ഗിരീഷ് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എക്സൈസ് ഇൻസ്പെക്ടറും സംഘവും നടത്തിയ പരിശോധനയിലാണ് റിസ്‌വാനെ ഇന്നലെ വൈകിട്ട് ഇരിങ്ങല്ലൂരിൽ വച്ച് പിടികൂടിയത്. 35 ഓളം ലഹരി ഗുളികകളാണ് പ്രതിയുടെ കൈയിൽ നിന്ന് പിടികൂടിയത്.​ മൈസൂരിൽ നിന്ന് മത്സ്യ വാഹനത്തിൽ കോഴിക്കോട് എത്തിക്കുകയാണ് പ്രതിയുടെ പ്രധാന ജോലി.​ ഇവിടെ നിന്ന് മറ്റു കണ്ണികളിലേക്ക് വിതരണം ചെയ്യും. പ്രധാന കണ്ണികൾക്കെതിരെ എക്സൈസ് അന്വേഷണം ഊർജിതമാക്കി.​ അസിസ്റ്റന്റ് എക്സൈസ് ഇൻസ്പെക്ടർ മിൽട്ടൺ മെൽവിൻ, റെജി എം.ജിനീഷ്, സുജിത്ത്, പ്രശാന്ത്, പി​.ബിജിഷ എന്നിവരാണ് പ്രതിയെ പിടികൂടിയത്.

​