കഞ്ചാവ് വില്പനക്കാരായ രണ്ട് യുവാക്കൾ അറസ്റ്റിൽ

തിരുവനന്തപുരം:തലസ്ഥാനത്തെ പ്രധാന കഞ്ചാവ് വില്പനക്കാരായ രണ്ട് യുവാക്കളെ മ്യൂസിയം പൊലീസ് അറസ്റ്റ് ചെയ്തു. പൂജപ്പുര സ്വദേശി അരുൺ ബാബു (35),മലയിൻകീഴ് സ്വ​ദേശി പാർത്ഥിപൻ (29) എന്നിവരാണ് അറസ്റ്റിലായത്. ന​ഗരത്തിലേക്ക് കഞ്ചാവും മയക്കുമരുന്നും എത്തിക്കുന്നതിൽ പ്രധാനികളാണ് ഇരുവരുമെന്നും പൊലീസ് അറിയിച്ചു. കൊലപാതക ശ്രമം, ആയുധം കൈവശം വയ്ക്കൽ ഉൾപ്പെടെ 25 ഓളം കേസിലെ പ്രതികളാണ് ഇവർ. ശാസ്തമം​ഗലത്ത് നിന്ന് ഈ മാസം ആറ് കിലോ കഞ്ചാവുമായി പിടികൂടിയ അനന്തു, വിനേഷ് എന്നിവരിൽ നിന്നുമാണ് ഇരുവരെയും കുറിച്ച് വിവരം ലഭിച്ചത്.ഡി.സി.പി ബി.വി.വിജയ് ഭരത് റെഡ്ഡിയുടെ നേതൃത്വത്തിൽ എ.സി.പി സ്റ്റുവെർട്ട് കീലർ, എസ്.എച്ച്.ഒ വിമൽ,എസ്ഐമാരായ വിപിൻ,ഷിജു,ഷെഫിൻ,സി.പി.ഒമാരായ അസീന,രാജേഷ്,ശരത്,വിജിത് രഞ്ജിത്,രാജേഷ്,ശോഭൻ സുൽഫിക്കർ, വിജിൻ എന്നിവരാണ് പ്രതിയെ പിടികൂടിയത്.

●8.75 ഗ്രാം ഹാഷിഷ് ഓയിലുമായി പിടിയിൽ
ഓപ്പറേഷൻ ഡി ഹണ്ടിന്റെ ഭാ​ഗമായി നടന്ന പരിശോധനയിൽ 8.75 ഗ്രാം ഹാഷിഷ് ഓയിലുമായി യുവാവിനെ അറസ്റ്റ് ചെയ്തു. കവടിയാർ പണ്ഡിറ്റ് കോളനിയിൽ ജനു തോമസ് (38) ആണ് അറസ്റ്റിലായത്.