രാമഭക്ത സംഗമം സമാപിച്ചു

ഗുരുവായൂർ: സായി സഞ്ജീവനി ചാരിറ്റബിൾ ട്രസ്റ്റും മൗലാനാ അബ്ദുൽ കലാം ആസാദ് ഇൻസ്റ്റിറ്റ്യൂട്ട് ഒഫ് ഏഷ്യൻ സ്റ്റഡീസും ചേർന്ന് സംഘടിപ്പിച്ച രാമഭക്ത സംഗമം സമാപിച്ചു. സമാപനസമ്മേളനം അലഹബാദ് ഹൈക്കോടതി മുൻ ജഡ്ജി സുധീർ അഗർവാൾ ഉദ്ഘാടനം ചെയ്തു. 'രാമായണത്തിന്റെ ആഗോള യാത്ര'യേക്കുറിച്ച് പി.വി.കൃഷ്ണൻ നായർ വിശദീകരിച്ചു. കെ.കെ.മുഹമ്മദ്, ഡോ. ടി.പി.ശശികുമാർ, രമേശ്, വി.പി.ഉണ്ണിക്കൃഷ്ണൻ, വി.സി.രാജഗോപാൽ, സി.പി.സുൽത്താൻ, സ്വാമി ഹരിനാരായണൻ, കൈതപ്രം ദാമോദരൻ നമ്പൂതിരി, സ്വാമി പ്രഭാകരാനന്ദ തുടങ്ങിയവർ സംസാരിച്ചു. മൂന്ന് ദിവസങ്ങളിലായി നടന്ന പരിപാടിയിൽ രാമകോദണ്ഡ പൂജയും ദേശീയ സെമിനാറും നടന്നു.