സാമൂഹ്യനീതി വകുപ്പ് ലഹരി വിരുദ്ധ ദിനാചരണം

തൃശൂർ:ലഹരി വിരുദ്ധ ദിനാചരണത്തോടനുബന്ധിച്ച് സാമൂഹ്യനീതി വകുപ്പ് എൻ.എസ്.എസ് വളണ്ടിയർമാർക്കും എം.എസ്.ഡബ്ല്യു വിദ്യാർത്ഥികൾക്കുമായി ബോധവത്കരണ പരിപാടി സംഘടിപ്പിച്ചു. സെന്റ്‌തോമസ് കോളേജിൽ നടന്ന പരിപാടി ജില്ലാ പഞ്ചായത്ത് വൈസ്പ്രസിഡന്റ് ടി.കെ.സുധീഷ് ഉദ്ഘാടനം ചെയ്തു.പ്രിൻസിപ്പൽ ഫാ.ഡോ.കെ.എ. മാർട്ടിൻ അദ്ധ്യക്ഷനായി. കാലിക്കറ്റ് യൂണിവേഴ്സിറ്റി എൻ.എസ്.എസ് ജില്ലാ കോ-ഓർഡിനേറ്റർ രഞ്ജിത്ത് വർഗീസ് പ്രതിജ്ഞ ചൊല്ലിക്കൊടുത്തു. കോർപ്പറേഷൻ കൗൺസിലർ ജോയ് ബാസ്റ്റിൻ ചാക്കോള,ഡെപ്യൂട്ടി മെഡിക്കൽ ഓഫീസർ ഡോ.മിജോസ്,എൻ.എസ്.എസ്.പ്രോഗ്രാം കോർഡിനേറ്റർ ഡോ.ഡെയ്സൺ പനങ്ങാട്ടിൽ,ഡോ. റീജ ജോൺസൺ,തൃശൂർ ജില്ലാ സാമൂഹ്യനീതി ഓഫീസർ കെ.ആർ.പ്രദീപൻ,ജില്ലാ സാമൂഹ്യനീതി സീനിയർ സൂപ്രണ്ട് സിനോ സേവി തുടങ്ങിയവർ സംസാരിച്ചു.