സംസ്ഥാനത്ത് സ്വർണവില മുകളിലേക്ക് തന്നെ,​ ഇന്നത്തെ നിരക്കറിയാം

തിരുവനന്തപുരം: സംസ്ഥാനത്ത് സ്വർണവിലയിൽ ഇന്നും വർദ്ധനവ്. ഗ്രാമിന് 35 രൂപയും പവന് 280 രൂപയുമാണ് ഇന്ന് കൂടിയത്. ഇതോടെ ഒരു പവന്റെ വില 1,​06,​200 രൂപയായി. ഇന്നലെ പവന് 1,05,040 രൂപയായിരുന്നു. ഇന്ന് ഒരു ഗ്രാം സ്വർണത്തിന്റെ വില 13,​275 രൂപയാണ്.

ഈ മാസത്തിൽ കൂടുതൽ ദിവസവും സ്വർണവില കുറയുന്ന സാഹചര്യമാണുണ്ടായിരുന്നത്. എന്നാൽ ഒരിടവേളയ്ക്ക് ശേഷം പശ്ചിമേഷ്യൻ സംഘർഷം പുനഃരാരംഭിച്ചതോടെ ഓഹരി വിപണി കൂപ്പുകുത്തുകയും ക്രൂഡ് ഓയിൽ വില വർദ്ധിക്കുകയും ചെയ്തിരുന്നു. ഇത് സ്വർണവിലയിൽ ഏത് തരത്തിലുള്ള മാറ്റങ്ങൾ ഉണ്ടാക്കുമെന്ന ചർച്ച സജീവമാണ്. കേരളത്തിൽ വിവാഹ സീസൺ ആരംഭിക്കാൻ ഇനി അധിക ദിവസമില്ല. അതിനിടയിൽ സ്വർണവിലയിലെ ഈ മാറ്റം ആഭരണം വാങ്ങിക്കാൻ തയ്യാറെടുക്കുന്നവർക്ക് കടുത്ത ആശങ്കയാണ് നൽകുന്നത്.