പാകിസ്ഥാനിൽ ആക്രമണം: 8 മരണം

ഇസ്ലാമാബാദ്: പാകിസ്ഥാനിൽ ബലൂചിസ്ഥാനിൽ രണ്ടിടങ്ങളിലായി ഉണ്ടായ ആക്രമണങ്ങളിൽ 8 പേർ കൊല്ലപ്പെട്ടു. 21 പേർക്ക് പരിക്കേ​റ്റു. സ്വതന്ത്ര ബലൂചിസ്ഥാനുവേണ്ടി പോരാടുന്ന ബലൂചിസ്ഥാൻ ലിബറേഷൻ ആർമി (ബി.എൽ.എ) ആക്രമണങ്ങളുടെ ഉത്തരവാദിത്വം ഏറ്റെടുത്തു. ബലൂചിസ്ഥാന് പുറത്തുനിന്നുള്ള സുരക്ഷാ ഉദ്യോഗസ്ഥരെ ലക്ഷ്യമിട്ടായിരുന്നു ആക്രമണങ്ങൾ.

ബുധനാഴ്ച രാത്രി ഗ്വാദറിലായിരുന്നു ആദ്യ ആക്രമണം. ബസ് തടഞ്ഞുനിറുത്തി ആറ് പേരെ വെടിവച്ചു കൊന്നു. പിന്നാലെ ഇന്നലെ ക്വെ​റ്റയിൽ പൊലീസ് വാഹനത്തിനു സമീപം സ്ഫോടക വസ്തു ഘടിപ്പിച്ച ബൈക്ക് പൊട്ടിത്തെറിച്ച് 2 പേരും കൊല്ലപ്പെട്ടു.