ശിവഗിരിയിൽ വിജ്ഞാനോത്സവം : ഒരുക്കങ്ങളായി

ശിവഗിരി: വിജ്ഞാനോത്സവമായ ശ്രീനാരായണ ധർമ്മ മീമാംസാ പരിഷത്ത് ഏപ്രിൽ 29, 30, മേയ് 1 തീയതികളിൽ ശിവഗിരിയിൽ നടക്കും. ശ്രീനാരായണ ഗുരുദേവൻ ശ്രീശാരദാദേവി പ്രതിഷ്ഠ നിർവഹിച്ചതിന്റെ 114-ാമത് വാർഷികത്തോടനുബന്ധിച്ചാണിത്. ഗുരുദേവ കൃതികളുടെയും ദർശനത്തിന്റെയും പഠനമാണ് മുഖ്യയിനം. തൽപരരായ ഏവർക്കും ക്ലാസുകളിൽ പങ്കെടുക്കുന്നതിന് ആശ്രമോചിതമായ അന്തരീക്ഷം ഒരുക്കും. ശിവഗിരി മഠത്തിലെ സന്യാസി ശ്രേഷ്ഠരും മറ്റു പ്രമുഖ പണ്ഡിതരും പഠന ക്ലാസുകൾ നയിക്കും.